Giyohvand moddalar tahlili

Ushbu kitobda "Giyohvand moddalar tahlili" fanidan o‘quv-uslubiy majmua yoritilgan bo‘lib, unda giyohvand moddalar, ularning turlari, kimyoviy xossalari, biologik ob‘ektlardan ajratib olish hamda ularning tahlil usullari keng qamrovli bayon etilgan. Kitobda nazorat qilinuvchi moddalar, prekursorlar, opioid analgetiklar, fenilalkilaminlar, kannabinoidlar, barbituratlar, benzodiazepinlar, fenotiazinlar, efedrin, amfetamin kabi moddalarni aniqlash va ularning toksikologik ahamiyati haqida ma'lumotlar berilgan. Materiallar kimyoviy va fizik-kimyoviy tahlil usullari, jumladan, spektrofotometriya, xromatografiya kabi zamonaviy usullar yordamida ochib berilgan. Shuningdek, kitobda giyohvandlikka qarshi kurash bo‘yicha qonuniy hujjatlar, nazorat choralari hamda laboratoriya mashg‘ulotlarini bajarish tartib-qoidalari, baholash mezonlari va qo‘shimcha adabiyotlar hamda internet resurslari keltirilgan.

Asosiy mavzular

Giyohvand moddalar tahlili fanining asosiy vazifalari: Giyohvand moddalar tahlili fanining maqsadi, vazifalari, giyohvandlik vositalari, psixotrop moddalar va prekursorlar tahlili, BMT konvensiyalari va O‘zbekiston Respublikasi qonunchiligi asosida hamda tabiiy narkotik analgetiklar (opiy, omnapon, morfin, kodein, mekon kislotasi, mekonin)ni ajratib olish va tahlil qilish usullari bayon etilgan.
Sintetik narkotik analgetiklar: Geroin, dionin, apomorfin, promedol, metadon, siklodol, petidin, kokain, fentanil kabi sintetik moddalarning tahlili, ularning kimyoviy tuzilishi, biologik ob‘ektlardan ajratib olish va aniqlash usullari yoritilgan.
Kannabinoidlar: Kannabinoidlarning narkologik ahamiyati, ularni tamaki qoldiqlari, o‘simlik qismlari va narkomanlardan olingan ob‘ektlardan aniqlash usullari, kimyoviy va fizik-kimyoviy tahlil usullari bayon etilgan.
Tabiiy fenilalkilaminlar: Efedrin, meskalin, katin va katinonlarning narkologik ahamiyati, ularni ajratib olish va tahlil usullari, shuningdek, amfetamin, metamfetamin va ularning hosilalarining tahlili o'rganilgan.
Psixotrop moddalar. Barbituratlar: Barbiturat kislota hosilalarining fizik-kimyoviy xossalari, narkologik ahamiyati, ularni rangli va mikrokristalloskopik reaksiyalar yordamida tahlili, hamda ularning gidroliz mahsulotlarini aniqlash usullari ko'rsatilgan.
Fenotiazin hosilalari va 1,4-benzodiazepin hosilalari: Aminazin, diprazin, tizersin kabi fenotiazin hosilalarini, shuningdek, xlordiazepoksid, diazepam, nitrazepam kabi 1,4-benzodiazepin hosilalarini biologik ob‘ektlardan va peshobdan ajratib olish va tahlil qilish usullari bayon etilgan.
Prekursorlar: Prekursorlar tushunchasi, ularga kiruvchi moddalar (toluol, atseton, kaliy permanganat, sirka angidridi, sulfat va xlorid kislotalari, ergotamin, ergometrin, lizergin kislotasi, antranil kislota)ni aniqlash usullari o'rganilgan.
Gallyusinogenlar va boshqa nazorat qilinuvchi moddalar: LSD, psilotsin, psilotsibin, fensiklidin, ketamin, fentanyl kabilarning kimyoviy tuzilishi, narkologik ahamiyati, ularni ajratib olish va tahlil usullari ko'rsatilgan.