Кoman-german filologiyasiga kirish.
Ushbu darslik, German tillarining rivojlanish tarixini, ularning fonetik, morfologik va leksik xususiyatlarini chuqur o'rganishga bag'ishlangan. Unda qadimgi german qabilalari, ularning tillari, yozuvlari, hamda german tillarining sharqiy, shimoliy va g'arbiy guruhlari batafsil tahlil qilingan. Kitobda german tillarining fonetik o'zgarishlari, jumladan, unlilar va undoshlarning evolyutsiyasi, grammatik kategoriyalarning shakllanishi, shuningdek, leksik o'zlashmalar va til aloqalari ham o'z aksini topgan.
Asosiy mavzular
- German filologiyasiga kirish: German filologiyasining predmeti, German tillari va ularning tarqalishi, Sezar va Tatsitlar Germaniyaliklar haqida, Qadimgi Germanlarning ijtimoiy hayoti va urf-odatlari, Xalqlarning buyuk ko'chishi, Johil qirolliklarning shakllanishi kabi mavzularni o'z ichiga oladi.
- Qadimgi German qabilalari va ularning yozuvi: Qadimgi german qabilalarining tasnifi va tillari, Yozuv davrigacha bo'lgan davr, Runa, lotin, Got yozuvlari va ularning xususiyatlari ko'rib chiqiladi.
- German tillarida fonemalar tizimi va urg'u: Urg'u va uning turlari, unlilar tizimi, ablaut va uning turlari, umlaut, undoshlar tizimi va ularning birinchi siljishi, Verner qonuni kabi mavzular o'rganiladi.
- German tillarida morfologik qurilishida asosiy belgilar: So'zning morfologik qurilishi, otlarning turlanishi (unlilar va undoshlar asosida), sifatning turlanishi va qiyosiy darajasi, fe'llarning morfologik tasnifi va grammatik kategoriyalari.
- Umumgerman leksikasi: Umumgerman etimologik leksik parallellari, Kelt va Lotin tillaridan dastlabki o'zlashtirishlar, German tillarining o'zaro aloqasi, G'arbiy german tillarida fonetik va morfologik izoglossalar, Rototsizm mavzulari.
- German tillari rivojlanishida asosiy bosqichlar: Qabila tillari rivojlanishida umumiy qonuniyatlar, Xalq tillarining shakllanishi, Millatlarning tashkil topishi va milliy tillarning rivojlanishi, Sharqiy german tillari guruhi, Skandinav tillari mavzulari.
- G'arbiy german tillari: Ingliz tili, uning yozuvining paydo bo'lishi va lahjalari, Normanlar istilosidan keyin Angliyada til vaziyati, boshqa g'arbiy german tillari (friz, qadimgi sakson, Niderland, nemis, yahudiy (idish) va Afrikaan tillari) haqida ma'lumot beradi.