O’rta asrlarda G’arbiy Yevropada fan ta’lim tarixi (XII-XV asrlar)

Ushbu bitiruv malakaviy ishida oʻrta asrlarda Gʻarbiy Yevropada fan va taʼlim tarixi (XII-XV asrlar) mavzusida Islom Karimovning “Yuksak maʼnaviyat – yengilmas kuch” asarida taʼkidlangan fikrlar asosida dastlabki universitetlarning vujudga kelishi, tashkiliy tuzilishi, taʼlim va oʻquv jarayoni hamda fanning rivojlanishi masalalari atroflicha oʻrganilgan. Unda oʻrta asrlar Gʻarbiy Yevropada taʼlimning rivojlanish bosqichlari, universitetlarning tashkil topishi, ularning tuzilishi, faoliyati va jamiyatdagi oʻrni kabi muhim jihatlar tahlil etilgan.

Asosiy mavzular

Oʻrta asrlarda Gʻarbiy Yevropada dastlabki universitetlarning vujudga kelishi va tashkiliy tuzilishi: Bu bobda oʻrta asrlarda Gʻarbiy Yevropada dastlabki universitetlarning paydo boʻlishi, rivojlanishi va tashkil topish jarayonlari, ularning asosiy tuzilishi va faoliyati yoritib berilgan. Xususan, iqtisodiy va madaniy yuksalish, hunarmandchilik va savdoning rivojlanishi, ta'lim tizimining takomillashuvi, shaharlar o'sishi bilan ochilgan maktablar va universitetlar, ularning o'ziga xos xususiyatlari haqida ma'lumot beriladi.
Oʻrta asrlarda Gʻarbiy Yevropada fan va ta'limni rivojlanishi: Mazkur bobda oʻrta asrlarda Gʻarbiy Yevropada taʼlim va oʻquv jarayonining tashkil etilishi, fanlarning rivojlanishi, xususan matematika, mexanika, astronomiya, fizika kabi sohalardagi yutuqlar tahlil qilingan. Universitetlarning oʻqish jarayonlari, oʻqitish usullari, talabalarning sharoiti va ularga qoʻyilgan talablar ham bayon etilgan.