Korxona ichki transport
Ushbu kitob O‘zbekiston Respublikasi Oliy va O‘rta Maxsus Ta’lim Vazirligi tomonidan tasdiqlangan Toshkent Kimyo-Texnologiya Instituti uchun „Korxona ichki transporti“ fanining o‘quv-uslubiy qo‘llanmasidir. Qo‘llanmada korxona ichida ishlatiladigan transport vositalari, jumladan, yuk ko‘tarish va tashish qurilmalari, konveyerlar, pnevmatik va gidravlik transport vositalari, elevatorlar, avtoyuklagichlar va boshqalar keng yoritilgan. Har bir transport vositasining ishlash prinsipi, asosiy uzellari va ularni hisoblash usullari batafsil bayon etilgan. Shuningdek, fan bo‘yicha nazariy bilim, ko‘nikma va malakalarni shakllantirishga alohida e’tibor qaratilgan.
Asosiy mavzular
- KIRISH: Fanning maqsadi, vazifalari va asosiy tushunchalari bayon etilgan. Fanning boshqa fanlar bilan aloqasi va talabalar egallashi lozim bo‘lgan bilim, ko‘nikma va malakalar haqida ma’lumot berilgan.
- MEXANIKAVIY YUK KO‘TARUVCHI VA TASHUVCHI TRANSPORT QURILMALARI: Tasmali, zanjirli, vintli, rolikli va osma konveyerlar, elevatorlar va balkali kranlar kabi mexanik transport vositalarining turlari, konstruksiyasi, ishlash prinsipi va hisoblash usullari yoritilgan.
- PNEVMATIK VA GIDRAVLIK TRANSPORT VOSITALARI: Pnevmotransport va gidravlik transport vositalarining turlari, ishlash prinsipi, asosiy uzellari, kamchiliklari va hisoblash usullari bayon etilgan.
- ER USTIDA YURADIGAN RELSSIZ VA RELSLI TRANSPORT VOSITALARI: Relssiz transport vositalarining turlari, jumladan, qo‘l aravachalari, avtoyuklagichlar va elektr yuklagichlar haqida ma’lumot berilgan.
- AVTOYUKLAGICH VA UNING HISOBI: Avtoyuklagichlarning turlari, texnik tavsiflari, ishlash prinsipi va ularni hisoblash usullari ko‘rsatilgan.
- ELEVATORLARNI ISHLASH PRINSIPI VA UNING HISOBI: Elevatorlarning turlari, ishlash prinsipi va ularni hisoblash usullari bayon etilgan.
- BALKALI KRAN ISHLASH PRINSIPI VA UNING HISOBI: Balkali kranlarning ishlash prinsipi va ularni hisoblash usullari ko‘rsatilgan.