Arduino Ethernet qurılmasında IP tarmaqlardıń strukturasın hám terminalların analizlew
Ushbu kitob telekommunikatsiya tarmoqlari, xususan IP texnologiyalari asosida terminal qurilmalarni loyihalash va dasturlashni o'rganishga bag'ishlangan. Unda zamonaviy tarmoq texnologiyalari, IP tarmoqlar tuzilishi, ishlash prinsiplari, Arduino Ethernet qurilmasidan foydalangan holda terminal qurilmalarini yaratish va dasturlash jarayonlari hamda ularning samaradorligini baholash mexanizmlari batafsil yoritilgan. Kitobda dasturlash tillari, tarmoq protokollari va ularning ishlash mexanizmlari, jumladan TCP/IP modeli asosida ishlovchi qurilmalar haqida ma'lumotlar berilgan. Shuningdek, turli trafik turlarini (ovoz, ma'lumot, video) qayta ishlash va uzatish jarayonlari, ularning samaradorligini oshirish usullari, zamonaviy dasturiy ta'minotlar va apparat vositalari ko'rib chiqilgan.
Asosiy mavzular
- IP tarmoqlarning tuzilishi va terminal qurilmalari: IP tarmoqlarning umumiy tuzilishi, zamonaviy ma'lumot uzatish usullari va tarmoq tamoyillari, multiservis tarmoqlarda IP terminallar, OSI modeli darajalari va ularning ishlash prinsiplari tushuntirilgan. Shuningdek, tarmoq qurilmalariniing funktsional imkoniyatlari va dasturiy ta'minoti haqida ma'lumotlar keltirilgan.
- IP tarmoqlar terminal qurilmalarining texnologik tuzilishi va ishlash prinsiplari: Zamonaviy tarmoq terminallarini loyihalashda qo'llaniladigan asosiy protokollar va texnologiyalar, jumladan TCP/IP steki, uning ishlash prinsipi va umumiy tuzilishi haqida batafsil ma'lumot berilgan. Shuningdek, paketlarni qayta ishlash jarayonlari, protokollarning o'zaro bog'liqligi va ularning vazifalari yoritilgan.
- Arduino Ethernet qurilmasida IP texnologiyasi asosida terminal qurilmalarini yaratish va dasturlash: Kitobda Arduino Ethernet qurilmasidan foydalanib, IP texnologiyasi asosida terminal qurilmalarini yaratish va dasturlash jarayonlari amaliy misollar bilan ko'rsatilgan. Dasturiy ta'minotni ishlab chiqish uchun ishlatiladigan dasturlash tillari (C++, Java, PHP) va ularning qo'llanilishi haqida ma'lumotlar berilgan.
- Arduino Ethernet qurilmasida IP texnologiyasi asosida ko'p funksiyali terminal qurilmalarining samaradorligini baholash: Arduino Ethernet qurilmasida yaratilgan ko'p funksiyali terminal qurilmalarining ishlash samaradorligini baholash uchun matematik modellar va formulalar keltirilgan. Bu esa qurilmalarning ishini optimallashtirish va uning samaradorligini oshirishga qaratilgan.