Siklogeksanon va ularning eritmalarida molekulyar agregatsiyalarni kombinatsion sochilish spektrlari yordamida o‘rganish.

Ushbu kitobda siklogeksanon molekulasi va uning eritmalari tadqiq qilingan. Tadqiqotning asosiy maqsadi siklogeksanon molekulasida dipol-dipol va boshqa turdagi molekulalararo oʻzaro taʼsirlar orqali hosil boʻladigan molekulyar agregatlarning spektral namoyon boʻlishini oʻrganishdir. Tadqiqotda kombinatsion sochilish (KS) spektroskopiyasi va noempirik kvant-kimyoviy hisoblash usullaridan foydalanilgan. Natijada, C=O tebranish polosasining murakkabligi, monomer va agregatlar ta'sirini o'rganish, shuningdek, molekulalararo o'zaro ta'sirlarning tabiatini tushuntirishga oid ilmiy xulosalar chiqarilgan.

Asosiy mavzular

KIRISH: Mavzuning dolzarbligi, tadqiqot maqsadi, vazifalari, ob'ekti va predmeti, usullari, ilmiy yangiligi hamda amaliy ahamiyati haqida ma'lumot beradi.
I-BOB. NAZARIY QISM: Yorug'likning kombinatsion sochilishi va uning amaliy ahamiyati, molekulalararo vodorod bog'lanishining spektral namoyon bo'lishi, molekulalararo ta'sir kuchlarining tabiati, H-bog'lanishli komplekslarning elektro-optik parametrlarni kvanta-ximik hisoblashlar orqali o'rganish kabi masalalar yoritilgan.
II-BOB. AMALIY QISM: Tajriba qurilmasi va uning tavsifi, jumladan DFS-52 spektrometrining ishlash prinsipi va tarkibi hamda tajriba natijalarini kvant-kimyoviy hisoblashlar bilan baholash usullari ko'rsatib berilgan.
III BOB. OLINGAN NATIJALAR VA ULARNING TAHLILI: Siklogeksanon va uning eritmalarda C=O tebranish polosasining parallel va perpendikulyar tashkil etuvchilari holatiga molekulalararo o'zaro ta'sirlarning ta'sirini o'rganish bo'yicha olingan natijalar va ularning tahlili keltirilgan.
XULOSA: Olingan natijalar asosida C=O tebranish polosasining murakkabligi, monomer va agregatlar ta'sirini o'rganish, shuningdek, molekulalararo o'zaro ta'sirlarning tabiatini tushuntirishga oid xulosalar bayon qilingan.