Geoekologiya

Ushbu kitob O‘zbekiston Respublikasi Oliy va o‘rta maxsus ta’lim vazirligi tomonidan tavsiya etilgan bo‘lib, geoekologiyaning nazariy asoslari, rivojlanish tarixi, geoekologik omillar, geoekologik baholash, monitoring, prognozlash kabi muhim masalalarni qamrab oladi. Kitobda geosferalarning ekologik xususiyatlari va ularning jamiyat bilan o‘zaro ta’sirini o‘rganishga katta e’tibor qaratilgan. Shuningdek, atrof-muhitni muhofaza qilish va barqaror rivojlanish yo‘nalishidagi zamonaviy muammolar va ularning yechimi bo‘yicha ham ma’lumotlar berilgan. Kitob talabalar va ushbu soha bilan qiziquvchilar uchun mo‘ljallangan.

Asosiy mavzular

• Geoekologiyaning ilmiy-nazariy asoslari: Geoekologiyaning umumiy masalalari, jamiyat va tabiat o‘zaro ta’sirining hozirgi davrdagi xususiyatlari, geoekologiyaning tadqiqot ob‘ekti va predmeti, maqsadi va vazifalari, rivojlanishi va hozirgi holati, geografiya va ekologiya fanlari geoekologiyaning nazariy asosi sifatida, geoekologiya – geotizimlar ekologiyasi haqidagi fan, geoekologik konsepsiyalar, geoekologik tadqiqotlarda amal qilinadigan prinsiplar va yondashuvlar, geoekologik tadqiqot metodlari.
• Geosferalarning ekologik xususiyatlari: Biosferaning tarkibi va uning xususiyatlari, litosferaning xususiyati va ekologik muammolari, gidrosferaning xususiyati va ekologik muammolari, atmosferaning xususiyati va ekologik muammolari.
• Geoekologiyaning amaliy masalalari: Geoekologik omillar va ularning tasniflanishi, tabiiy muhitning inson xo‘jalik faoliyati ta’sirida ifloslanishi, geoekologik muammolar va ularning turlari, geoekologik baholash, geoekologik monitoring, geoekologik prognozlash.
• Geoekologiya va barqaror rivojlanish: Ekologik xavfsizlik va barqaror rivojlanish, atrof-muhitni muhofaza qilish va tabiiy resurslardan oqilona foydalanishning geoekologik asoslari.