Qalamtasvir

Ushbu kitobda qalamtasvir asoslari, uni o'rgatish metodikasi, perspektiva qonunlari, yorug'lik va soya, anatomik tuzilish, shuningdek, turli materiallar va vositalar bilan ishlash haqida batafsil ma'lumot berilgan. Kitobda antik davr bosh va haykal rasmlarini chizish, milliy naqshlar va geometrik shakllarni tasvirlash, shuningdek, inson boshining turli qismlarini (ko'z, burun, quloq, lablar) va boshning umumiy tuzilishini chizish o'rgatiladi. Kitobda shuningdek, rassomlarning tajribalari va uslublari hamda ijodiy jarayonlar haqida ham so'z yuritiladi. Umumiy holda, kitob san'atshunoslik va rassomlik sohasi talabalari uchun qalamtasvirni chuqur o'zlashtirishga yordam beradi.

Asosiy mavzular

Qalamtasvir - Tasviriy san'atning asosi: Qalamtasvirning maqsad va vazifalari, tasvirlash metodlari tarixidan lavhalar, tasviriy san'at, xususan, qalamtasvirning asosiy qonun-qoidalari, o'quv qalamtasviri kabi masalalar o'rin olgan. Pedagogika oliy o'quv yurtlari 1 va 2-kurs bakalavriat talabalariga mo'ljallangan ushbu darslikdan tasviriy san'at sohasi mutaxassislari, kasb-hunar kollejlari o'quvchilari, metodistlar ham foydalanishlari mumkin.
Qalamtasvirning asosiy qonun-qoidalari: Perspektiva qonuni. Tasvirlanayotgan buyum, ushbu buyum qaysi tomonidan tasvirlanishidan qat'iy nazar (uzoqdan, yaqindan, yuqoridan, pastdan, to'g'ridan yoki chekkadan), chizuvchiga o'zgarib ko'rinadi. Masalan, kubni u yoki bu tomonga burib, uning tomonlari perspektiv o'zgarib ko'rinishini kuzatamiz. 19-rasmda temir yo'l relslari, simyog'ochlar va kenglikdagi boshqa shakllarning bizdan uzoqlashgan sari kichrayib, bir nuqtada tutashini ko'rishimiz mumkin. Hayotda o'zaro parallel bo'lgan relslar hech qachon to'qnashmasalar-da, perspektiva qonuniga binoan, ular bizdan uzoqlashgan sari bu holatni kuzatishimiz mumkin. Bu perspektiva qonuniga asosan sodir bo'ladi.
Gips geometrik shakllar qalamtasviri: Gips geometrik shakllarning qalamtasviri ham oddiydan murakkabga usulida amalga oshiriladi. Bunda, o'quv dasturlarida belgilangandek, gips geometrik shakllarni tasvirlash muhim. Bu shuning uchun zarurki, bizni o'rab turgan buyumlarning barchasi geometrik shaklga ega (shar, kub, prizma, konus, silindr va hokazolar). Shakllar tarkibining gipsdan bo'lishining asosiy sababi - ular aksariyat hollarda sun'iy yoritqichlar bilan yoritilib, o'quv mashq maqsadlarida foydalaniladi. Yorug'-soya majmuasi (yorug', soya, yarim soya, refleks, shaxsiy va tushuvchi soya, yaltiroqlik) oq buyumlarda yaqqol ko'rinadi.
Antik davr gips bosh bo'laklarining qalamtasviri: Bosh shaklining bo'laklarini chizish yuzning bosh qismlari -burun, ko'z, quloq, lablarni tasvirlashning asosiy qoidalarini puxta bilishni talab etadi. Talabalar, odatda, boshning alohida bo'laklari rasmini chizish muhimligiga e'tibor bermaydilar. Ular buni go'yo bekorga vaqt sarflash, deb o'ylaydilar. Ularning fikricha, gips boshni tasvirlashda bosh bo'laklarini detallashtirish yetarli. Lekin talaba bosh rasmini chizish paytida ko'z, quloq, burun va lablarni tasvirlashning barcha nozik jihatlarini chuqur va maxsus o'rganib chiqa olmaydi.
Tirik odam boshi rasmini chizish: Portret chizish san'atini egallashda eng qulay usul avtoportret chizishdir. Rassom o'z rasmini o'zi chizar ekan, ishni nihoyasiga yetkazish uchun qancha vaqt talab etilsa, ko'zgu oldida shuncha vaqt tura olishi mumkin. Xomaki rasm ham olingan bilim va malaka asosida yaratiladi. Xomaki rasmdatalabadan tasvirqurish izchilligi, yordamchi chiziqlarni qo'Uash kabilar talab etilmaydi.