Ayrim bug’doy navlarining qurg’oqchilikka chidamliligi

Ushbu kitobda bug'doy navlarining fiziologik xususiyatlari, qurg'oqchilikka chidamlilik darajasi, suv almashinuvi, transpiratsiya jadalligi kabi muhim jihatlari Samarqand viloyati sharoitida o'rganilgan. Kitobda bug'doyning turli o'sish fazalarida suvga bo'lgan talabi, suvni saqlash qobiliyati va qurg'oqchilikka qarshi kurashish mexanizmlari tahlil etilgan.

Asosiy mavzular

Bug'doyning biologiyasi: Haroratga talabi, unib chiqish davri, tuplanish fazasi, ildiz tizimi rivojlanishi, maysalarning shakllanishi, va boshqa biologik jarayonlar haqida ma'lumotlar berilgan.
Bug'doyning morfologiyasi: G'alla ekinlarining ildiz tizimi, poyasi, bargi, to'pguli, guli, mevasi (don),donning kimyoviy tarkibi, organogenez bosqichlari va rivojlanish fazalari batafsil bayon etilgan.
Bug'doy agrotexnikasi: Ekishga tayyorlash, muddatlari, usullari, me'yorlari, chuqurligi, ekinzorlarni parvarishlash, o'g'itlash, begona o'tlarga qarshi kurashish kabi agrotexnik tadbirlar haqida ma'lumotlar keltirilgan.
Bug'doyning qurg'oqchilikka chidamliligi: Qurg'oqchilikka chidamli o'simliklarning xususiyatlari, suvdan tejamli foydalanish, suvni saqlash qobiliyati, suv taqchilligining o'simlikka ta'siri, ontogenezda suvning sarflanishi kabi masalalar yoritilgan.
Bug'doy navlarining suv almashinuv xususiyatlari (Samarqand sharoitida): Andijon-1, Andijon-2, Asr, Omad, Grom va Tanya navlarining naychalash, boshoqlash, gullash, sut pishish va mum pishish fazalarida suv almashinuv xususiyatlari, transpiratsiya jadalligi, suv taqchilligi va suv saqlash qobiliyati bo'yicha tahlil qilingan.