Социальная роль уголовного наказания
Ushbu taqdim etilgan ilmiy-amaliy ish, Oʻzbekiston Respublikasi Jinoyat kodeksiga koʻra jazolashning ijtimoiy-huquqiy mohiyati, maqsad va vazifalarini tadqiq etadi. Jinoyat jazosi va uning ijtimoiy rolini chuqur tahlil qilish orqali, jazo turlarining rivojlanish bosqichlari, ushbu jazo tizimining huquqiy asoslari va xalqaro tajribalar hamda Oʻzbekiston Respublikasida jinoyat jazosi tizimini takomillashtirish yoʻnalishlari atroflicha koʻrib chiqilgan. Ushbu ishda jazo qoʻllashning huquqiy meʼyorlari va uni qoʻllashda insonparvarlik va adolatlilik tamoyillarining ahamiyati alohida taʼkidlanadi. Tadqiqotda jazo qoʻllashning asosiy maqsadlari, yaʼni shaxsni tuzatish, jinoiy faoliyatni oldini olish, shuningdek, jamiyatni jinoyatchilikdan himoya qilish kabi masalalar oʻzining huquqiy va nazariy jihatlari bilan yoritilgan.
Asosiy mavzular
- Jinoyat jazosi tushunchasi va uning mohiyati: Ushbu bo'limda jinoyat jazosi tushunchasi, uning ijtimoiy mohiyati, tarixiy rivojlanishi hamda huquqiy asoslari haqida ma'lumot berilgan. Shuningdek, jinoyat jazosining umumiy jihatlari va Oʻzbekiston Respublikasi qonunchiligida jazolarning huquqiy belgilariga toʻxtalib oʻtilgan.
- Jinoyat jazosining maqsad va vazifalari: Ushbu mavzu jinoyat jazosining asosiy maqsadlarini (shaxsni tuzatish, jinoiy faoliyatning oldini olish, umumiy va maxsus profilaktika) va vazifalarini chuqur tahlil qiladi. Jinoyat jazosining ijtimoiy ahamiyati va jamiyatda jinoyatchilikka qarshi kurashdagi oʻrni yoritiladi.
- Jinoyat jazosi tizimini takomillashtirish yoʻnalishlari: Mazkur boʻlim Oʻzbekiston Respublikasida jinoyat jazosi tizimini takomillashtirishning asosiy yoʻnalishlari, jumladan, jazo turlarini liberallashtirish, jinoiy javobgarlikni soddalashtirish va jazolarni individualizatsiya qilish kabi masalalarni koʻrib chiqadi. Shuningdek, xalqaro standartlar va milliy qonunchilikning ushbu yoʻnalishdagi oʻzaro bogʻliqligi ham tahlil etilgan.