Медиаматнда прецедент феноменининг лингвомаданий аспекти (ўзбек ва испан газеталари мисолида)
Ushbu dissertatsiya avtoreferati O‘zbekiston davlat jahon tillari universiteti huzuridagi Ilmiy kengash tomonidan filologiya fanlari bo‘yicha falsafa doktori (PhD) ilmiy darajasini beruvchi DSc.03/30.12.2019.Fil/Ped.27.01 raqamli ilmiy kengashning qarori bilan Artikova Maxfuza Ravshanovnaning «Mediamatnda pretsedent fenomenining lingvomadaniy aspekti (o‘zbek va ispan gazetalari misolida)» mavzusidagi dissertatsiya ishini himoya qilishga tayyorlangan. Tadqiqotda O‘zbek va Ispaniya gazeta matnlarida pretsedent fenomenining lingvistik va madaniy jihatlari qiyosiy tahlil qilingan. Mediamatnda pretsedent hodisasining milliy va madaniy xususiyatlari, uning qo‘llanilishi, janrga qarab turlicha namoyon bo‘lishi, shuningdek, o‘zbek va ispan jurnalistikasida pretsedentlar umumiy va o‘ziga xos jihatlari o‘rganilgan. Tadqiqot natijalari O‘zbekiston va Ispaniya jamiyatlarining milliy-madaniy o‘ziga xosliklari, dunyoqarashi, urf-odatlari va til xususiyatlarini ochib berishga qaratilgan.
Asosiy mavzular
- Pretsedent hodisasining lingvokulturologik statusi: Tadqiqotning birinchi bobida pretsedent hodisasining nazariy asoslari, uning lingvokulturologik statusi, milliy qadriyatlar, madaniy va tarixiy an'analar bilan bog‘liqligi, media matnlaridagi o‘rni va ta’siri ochib berilgan. O‘zbek va ispan tilshunosligida pretsedent hodisalarining namoyon bo‘lishi tahlil qilingan.
- O‘zbek va ispan gazeta matnlarida pretsedent fenomeni: Dissertatsiyaning ikkinchi bobida O‘zbek va ispan gazeta matnlarida pretsedent nomi, ifodasi, matni hamda hodisasi fenomening qo‘llanilishi, janr xususiyatlari, jumladan, sarlavhada pretsedent fenomenining aks etishi ko‘rib chiqilgan. Har ikki mamlakat gazetalarida pretsedent nom, ifoda, matn va hodisa turlari tahlil qilingan.
- Lingvokulturologik o‘ziga xosliklar: Dissertatsiyaning uchinchi bobida O‘zbek va ispan gazetalarida pretsedent fenomeni: nomi, ifodasi, matni va hodisasining lingvokulturologik tabiatida, jumladan, yushmoristik janrlardagi matnlarda pretsedent hodisasining o‘ziga xos xususiyatlari tahlil qilingan. Milliy va madaniy xususiyatlarning qiyosiy tahlili asosida xulosalar chiqarilgan.