Наъматак ва зирк ўсимликларининг кимёвий таркиби ва улар асосида янги озиқ-овқат қўшилмалари олиш

Ushbu kitobda na'matak (Rosa canina L) va (Berberis oblonga Schneid) kabi dorivor o'simliklarning kimyoviy tarkibi, ulardan olingan ekstraktlarning biologik faolligi, xususan immun tizimini mustahkamlovchi xususiyatlari tadqiq etilgan. Tadqiqot natijasida mazkur o'simliklar asosida "VITOON" va "KALMAVIT" nomli yangi oziq-ovqat qo'shimchalari ishlab chiqilgan bo'lib, ularning xavfsizligi va samaradorligi ilmiy asosda tasdiqlangan. Shuningdek, ushbu qo'shimchalarning eksport-import qilishdagi bojxona kodlari aniqlanib, tijoratlashtirish uchun muhim tavsiyalar berilgan.

Asosiy mavzular

Dorivor o'simliklarning kimyoviy tarkibi va biologik faolligi: Na'matak va Zirk o'simliklarining kimyoviy tarkibi, ularning mevalaridan olingan ekstraktlarning vitaminlar, flavonoidlar, B-karotin, makro va mikroelementlar hamda antioksidantlik faolligi o'rganilgan.
Yangi oziq-ovqat qo'shimchalarini ishlab chiqish va sinovdan o'tkazish: "VITOON" va "KALMAVIT" nomli oziq-ovqat qo'shimchalarini ishlab chiqish texnologiyasi ishlab chiqilgan va ularning immun tizimini mustahkamlashdagi samaradorligi klinik sinovlar orqali tasdiqlangan. Ularning toksikologik xavfsizligi ham aniqlangan.
Tijoratlashtirish va bojxona masalalari: Yangi ishlab chiqarilgan oziq-ovqat qo'shimchalari uchun TIF TN bo'yicha yangi tovar kodlari ishlab chiqilgan va bojxona amaliyotiga joriy etilgan. Bu esa ularni eksport va import qilishni tartibga solish imkonini beradi.