Kasbiy psixologiya

Ushbu kitob kasbiy psixologiya faniga bag'ishlangan bo'lib, unda shaxsning kasbiy shakllanish jarayonlari, kasbiy faoliyatning mohiyati, mehnat psixologiyasi, shaxsning ijtimoiy taraqqiyoti, hissiyotlar, tafakkur, xotira, qobiliyatlar va temperament kabi muhim mavzular chuqur o'rganilgan. Kitobda kasb tanlash va unga yo'naltirish masalalari, kasbiy psixologiyaning ilmiy tadqiqot metodlari, shaxsning psixologik xususiyatlari, kasbiy kamolot, kompetentlik va boshqa ko'plab muhim mavzular yoritilgan. Shuningdek, turli milliy ta'lim tizimlarining qiyosiy tahlili, kasbiy maslahat va reorientatsiya psixologik muammosi kabi mavzular ham keng yoritilgan. Kitob oxirida o'quvchilarning bilimini nazorat qilish uchun testlar, keyslar va savol-javoblar berilgan.

Asosiy mavzular

Kasbiy psixologiyaning predmeti, vazifasi, metodologik asoslari: Kasbiy psixologiya fani predmeti, maqsadi, vazifalari va metodlari, uning dolzarbligi va hozirgi kundagi ahamiyati, kasbiy psixologiya fanining rivojlanish tarixi, Sharq allomalari va o'zbek psixologlari tadqiqotlarida kasb tanlash masalalarining yoritilishi hamda kasbiy psixologiyaning maqsad va vazifalari qamrab olinadi.
Kasb psixologiyasining ilmiy tadqiqot metodlari: Kasbiy psixologiyaning tadqiqot metodlari klassifikatsiyasi, ularning qo'llash sohasi, foydalanish usullari, genetik, praksimetrik, psixosomatik va eksperimental metodlar hamda ularga tadqiqot metodlarining tasnifi va qo'llash usullari umumiy ko'rinishda bayon etiladi.
Shaxs psixologiyasi va kasbiy shakllanish: Shaxs tushunchasi, uning nazariyalari, shaxsning tuzilishi, shaxs faolligi va yo'naltirilganligi, kasbiy shakllanish tarixi, shaxsning biogenetik va sotsiogenetik nazariyalari, shaxsning tuzilishidagi biologik va ijtimoiy omillar, shaxsning ijtimoiy taraqqiyoti hamda professiogenezning markaziy nuqtasi haqida ma'lumotlar beriladi.
Qobiliyatlar va shaxsning kasbiy shakllanishi: Kasbiy shakllanish jarayoni, turli hayotiy faoliyat moduslaridagi shaxs munosabatlari tizimi, kasbiy kamolot, kompetentlik va boshqa tushunchalar, shaxsning kasbiy etiqasi, individual-tipologik xususiyatlar klassifikatsiyasi, temperament turlari, kasbni egallashda temperamentning roli, xarakter va uning xususiyatlari, shaxs iqtidori va qobiliyatlari, qobiliyatlarning psixologik strukturasi kabi mavzular yoritilgan.
Tafakkur va kasbiy maslahat: Tafakkur turlari, tafakkurning umumiy tushunchasi, tafakkurning jarayonlari, tafakkur va masala hal qilish, tafakkurdagi individual farqlar, kasbiy maslahatning mohiyati va turlari hamda kasbga yo'naltirish usullari, tafakkur turlarini aniqlashda qo'llaniladigan metodlar haqida ma'lumot beradi.
Xotira va kasbiy maslahat: Xotira, uning turlari, jarayonlari, xotiraning rivojlanish qonuniyatlari hamda kasbiy maslahatda xotiraning ahamiyati haqida ma'lumot beradi.
Kasbiy psixologiyada qobiliyatlarni aniqlovchi topshiriqlar: Kasbiy psixologiyada qobiliyatlarni aniqlash usullari, nazariyalar va metodlar, shaxsning qobiliyatlari va ularning kasbiy shakllanishdagi o'rni, kasbiy yo'nalishni aniqlashga oid testlar, keyslar va topshiriqlar taqdim etilgan.
Reproductiv testlar: Reproductiv testlar orqali talabalarning nazariy bilimlarini nazorat qilish usullari, xususan, test, psixologik masala va nazorat savollari va ularning tahlili berilgan.