Jinoyat protsessida shaxs huquqlarining protsessual kafolatlari

DSc.07/13.05.2020.Yu.22.03 raqamli Ilmiy kengashning 2023-yil 16-yanvar kuni soat 14:00dagi majlisida bo'lib o'tadigan dissertatsiya himoyasi haqida.

Asosiy mavzular

Kirish: Dissertatsiya mavzusining dolzarbligi va ahamiyati, tadqiqot ishining respublika fan va texnologiyalari rivojlanishining asosiy ustuvor yo'nalishlariga bog'liqligi, tadqiqot mavzusi bo'yicha xorijiy ilmiy-tadqiqotlar sharhi, tadqiq etilayotgan muammoning o'rganilganlik darajasi, dissertatsiya mavzusining dissertatsiya bajarilayotgan oliy ta'lim muassasasining ilmiy-tadqiqot ishlari bilan bog'liqligi, tadqiqotning maqsad va vazifalari, ob'yekti va predmeti, usullari, tadqiqotning ilmiy yangiligi va amaliy natijasi, tadqiqot natijalarining ishonchliligi, tadqiqot natijalarining ilmiy va amaliy ahamiyati, ularning joriy qilinishi, tadqiqot natijalarining aprobasiyasi, natijalarning e'lon qilinganligi, dissertatsiyaning tuzilishi va hajmi yoritib berilgan.
I bob. Jinoyat protsessida shaxs huquqlari protsessual kafolatlarining nazariy va huquqiy asoslari: Dissertatsiyaning birinchi bobida jinoyat protsessida shaxs huquqlarini ta'minlashning protsessual kafolatlari tushunchasi, mohiyati, ahamiyati va tizimi, Oʻzbekiston Respublikasi jinoyat protsessida shaxs huquqlarining protsessual kafolatlari tizimining genezisi va hozirgi holati, shaxs huquqlarini ta'minlashda jinoyat-protsessual tamoyillar va ular bilan bog'liq jinoyat-protsessual shakl tahlil qilinadi.
II bob. Jinoyat protsessida oʻz manfaatlarini himoya qiluvchi shaxslar huquqlarining protsessual kafolatlari: Dissertatsiyaning ikkinchi bobida jinoyat protsessida oʻz manfaatlarini himoya qilayotgan gumon qilinuvchilar, ayblanuvchilar, sudlanuvchilar, fuqaroviy javobgarlar, jabrlanuvchilar va fuqaroviy da'vogarlar, ishtirokchilarning qonuniy vakillari va qarindoshlarini huquqlari va qonuniy manfaatlarini amalga oshirishning protsessual kafolatlari oʻrganiladi.
III bob. Odil sudlovga ko'maklashuvchi va jinoyat protsessida kasbiy faoliyatini amalga oshiruvchi shaxslar huquqlarini amalga oshirishning protsessual kafolatlari: Dissertatsiyaning uchinchi bobida jinoyat protsessida shaxs huquqlarini ta'minlash mexanizmining elementi sifatida guvohlar, xolislar, mutaxassislar, ekspertlar, sudyalar, advokaturaning protsessual faoliyati, surishtiruv va dastlabki tergov organlari huquqlarini amalga oshirishning protsessual kafolatlari ko'rib chiqiladi.
IV bob. Jinoyat protsessida shaxs huquqlarini himoya qilishning protsessual kafolatlari: Dissertatsiyaning to'rtinchi bobida jinoyat protsessida shaxs huquqlarini himoya qilishning protsessual kafolatlari bilan bog'liq ijtimoiy-huquqiy munosabatlar tizimi tadqiq etiladi.
Xulosa: Olib borilgan ilmiy tadqiqot natijalariga asoslangan holda quyidagi nazariy xulosa, taklif va tavsiyalar ishlab chiqildi: Shaxs huquqlarining jinoyat-protsessual kafolatlari quyidagi asosiy mezonlarga tayanadi va uning mazmuni to'rtinchi bobda batafsil yoritilgan.