Fraktal pedagogika tamoyillari asosida «Kompyuter grafikasi» fanini o‘qitishda axborot modellarini va baholash usulini ishlab chiqish

Ushbu dissertatsiya «Kompyuter grafikasi» fanini oʻqitish metodikasini fraktal pedagogika tamoyillari asosida takomillashtirishga bag'ishlangan bo'lib, unda zamonaviy axborot modellari va baholash usullari ishlab chiqilgan. Tadqiqotda fraktal pedagogikaning nazariy asoslari, amaliy qo'llanilishi va samaradorligi tahlil qilingan. Tadqiqot natijasida ta'lim jarayonini takomillashtirishga qaratilgan tavsiyalar ishlab chiqilgan.

Asosiy mavzular

• Fraktal pedagogikaning nazariy asoslari va metodikasi: Ushbu bobda ta'lim tizimining fraktal tuzilmali axborot ta'minoti mazmuni, fraktallar, ularning turlari va xususiyatlari, fraktal pedagogikaning nazariy va ta'lim jarayonida qo'llanilishi tahlil qilingan. Fraktal tuzilmaviy xarakterga ega boʻlgan qonunlarni aks ettiruvchi tamoyillar (nochiziqlilik, aniqlik, ochiqlik, fraktal uyg'unlik, ierarxik bilim, rezonansli ta'sir oʻtkazish, golografik proyeksiya, refleksiv oʻzaro ta'sir, holizm tamoyillari) ko'rib chiqilgan.
• Fraktal pedagogikada qoʻllaniladigan ta'lim modellari va texnologiyalari: Ikkinchi bobda zamonaviy oʻquv jarayonini takomillashtirishda pedagogning shaxsiy va kasbiy oʻzini-oʻzi rivojlantirishning fraktal metodikasi, fraktal pedagogikaning nochiziqlilik tamoyilini qo'llash ta'lim texnologiyasi, fraktal pedagogikaning refleksiv oʻzaro taʼsir tamoyili va fraktal-rezonans yondashuv asosida ta'lim jarayonini modellashtirish asosida ishlab chiqilgan axborot modellari va talabalarning bilim darajasini fraktal pedagogika tamoyillari asosida baholash usulidan foydalanib, «Kompyuter grafikasi» fanini oʻqitish metodikasi takomillashtirilgan.
• Fraktal pedagogikaning axborot modellari va baholash usullari: Uchinchi bobda «Kompyuter grafikasi» fanini oʻqitishda fraktal pedagogikaning nochiziqlilik tamoyili asosida axborot modeli ishlab chiqilgan. Shuningdek, fraktal pedagogikaning refleksiv oʻzaro ta'sir tamoyili asosida axborot modeli, fraktal pedagogikaning rezonansli ta'sir oʻtkazish tamoyili asosida axborot modeli ishlab chiqilgan va tadbiq qilingan. Fraktal pedagogikaning fraktal uyg'unlik va ierarxik bilim tamoyillari asosida talabalarning bilimini baholash, «Kompyuter grafikasi» fanini talabalar oʻzlashtirishida testlash metodikasi takomillashtirilgan. Shuningdek, asosiy tushunchalarning fanlararo fraktal va tashkiliy bazasi, talabalarning oʻzlashtirish natijalarini diagnostika qilish hamda daraxtsimon fraktalga asoslangan bilim chuqurligi va oʻquv faoliyati hajmini aniqlashdagi avtomatlashtirilgan oʻquv axborot tizimi oʻqitish vositasi sifatida takomillashtirilgan.