Texnikaviy oliy ta’lim muassasalarida simulyatsion yondashuv asosida talabalarning kasbiy kompetentligini takomillashtirish (“Elektr ta’minoti asoslari” fani misolida)

Ushbu dissertatsiya tadqiqoti texnik oliy ta'lim muassasalarida “Elektr ta'minoti asoslari” fanini oʻqitishda simulyatsion yondashuv asosida talabalarning kasbiy kompetentligini takomillashtirishga bag'ishlangan. Tadqiqotda simulyatsion oʻqitishning nazariy va amaliy jihatlari, uni oʻquv jarayoniga tatbiq etishning samaradorligi, shuningdek, talabalarning kasbiy kompetentligini rivojlantirishda simulyatsion dasturiy ta'minotdan foydalanishning ahamiyati tahlil qilingan. Tadqiqot natijalari asosida zamonaviy ta'lim texnologiyalaridan foydalanish, axborot-kommunikatsiya texnologiyalarini rivojlantirish hamda ta'lim sifatini oshirish boʻyicha taklif va tavsiyalar ishlab chiqilgan.

Asosiy mavzular

• Kirish: Dissertatsiya mavzusining dolzarbligi, tadqiqotning maqsadi va vazifalari, obyekti va predmeti, ilmiy yangiligi, nazariy va amaliy ahamiyati, tadqiqot natijalarining aprobatsiyasi va e'lon qilinganligi hamda dissertatsiyaning tuzilishi bayon etilgan.
• 1-bob. Texnikaviy oliy ta'lim muassasalarida talabalarning kasbiy kompetentligini takomillashtirishning ilmiy-nazariy asoslari: Ushbu bobda kasbiy kompetentlik, simulyatsion yondashuv, uning nazariy va metodologik asoslari, shuningdek, “Elektr ta'minoti asoslari” fanining talabalarning kasbiy kompetentligini takomillashtirishdagi didaktik imkoniyatlari tahlil qilingan.
• 2-bob. Texnika oliy ta'lim muassasalarida "elektr ta'minoti asoslari" fanini simulyatsion yondashuv asosida oʻqitish orqali talabalarning kasbiy kompetentligini takomillashtirish metodikasi: Bu bobda simulyatsion yondashuv asosida talabalarning kasbiy kompetentligini takomillashtirish mazmuni, “Elektr ta'minoti asoslari” fanini simulyatsion yondashuv asosida oʻqitish va talabalarning kasbiy kompetentligining takomillashganlik darajasini baholash metodikasi yoritilgan.
• 3-bob. Pedagogik tajriba-sinovni tashkil etish va oʻtkazish: Uchinchi bobda pedagogik tajriba-sinov ishlarining maqsad va vazifalari, so'rovnomalar, tajriba-sinov natijalari va matematik-statistik tahlili bayon etilgan.
• XULOSA: Tadqiqot natijalari asosida "Elektr ta'minoti asoslari” fanidan o'quv mashg'ulotlari jarayonida simulyatsion yondashuv asosida oʻqitishning tatbiq etilmaganligi va talabalarning kasbiy kompetentligini takomillashtirishda ularning mustaqil bilim olishga yo'naltirish boʻyicha ishlarini takomillashtirish talab etilishi haqida xulosa qilingan.
• Taklif va tavsiyalar: Mutaxassislik fanlarni oʻqitishda zamonaviy pedagogik va raqamli texnologiyalarni joriy etish, material-texnik bazani shakllantirish, simulyatsion dasturiy ta'minotni boshqa fanlarga joriy etish, muhandislik masalalarini echish, dasturiy ta'minotlardan foydalanish imkoniyatlarini yaratish hamda pedagog xodimlarning axborot-kommunikativ kompetentsiyalarini rivojlantirish boʻyicha taklif va tavsiyalar berilgan.