Milliy uyg‘onish davri yozma manbalari tilida okkazional birliklarning qo‘llanilishi

Ushbu tadqiqot milliy uyg'onish davri (XIX asrning ikkinchi yarmi – XX asr boshlari) yozma manbalari tilida qo'llangan okkazional birliklarning tarkibiy, derivatsion va semantik xususiyatlarini, stilistik va badiiy-estetik funksiyasini o'rganishga bag'ishlangan. Tadqiqotda okkazionalizm hodisasining mohiyati, uning neologizm va potensializm bilan o'xshash va farqli jihatlari, okkazional birliklarning tasnifi va semantik-uslubiy xususiyatlari, metafora, o'xshatish, ibora va maqollardagi o'rni atroflicha tahlil etilgan. Milliy uyg'onish davri ijodkorlari tomonidan yaratilgan okkazional birliklarning o'zbek tili boyligini oshirishdagi o'rni va ahamiyati ko'rsatib berilgan.

Asosiy mavzular

Okkazionalizm hodisasining lingvistik tadqiqi: Okkazionalizm hodisasining jahon, turkologiya va oʻzbek tilshunosligidagi oʻrganilishining umumiy holati, uning neologizm va potensializm kabi hodisalar bilan oʻzaro oʻxshash va farqli jihatlari tahlil qilingan.
Milliy uyg'onish davri yozma manbalarida okkazional birliklarning tarkibi: Milliy uygʻonish davri ijodkorlari asarlarida qoʻllangan okkazional birliklarning leksik tarkibi boʻyicha tasnifi berilgan (tub soʻz shaklidagi, affiks va affiksoidlar yordamida yasalgan, qoʻshma soʻz shaklidagi).
Okkazional birliklarning semantik-uslubiy xususiyatlari va badiiy-estetik funksiyasi: Okkazional birliklarning semantik va uslubiy xususiyatlariga koʻra turlarga ajratilishi, ularning matnda ifodalagan maʼnolari, okkazional metafora, oʻxshatish, ibora va maqollarning asar badiiyatini taʼminlashdagi oʻrni tahlil qilingan.