Soliq ma’muriyatchiligi uslubiyotini takomillashtirish

Ushbu dissertatsiya Soliq ma'muriyatchiligi uslubiyotini takomillashtirish mavzusiga bag'ishlangan bo'lib, unda O'zbekistonda soliq nazariy-huquqiy asoslari, milliy va xorijiy soliq ma'muriyatchiligi tizimi, soliq nazorati samaradorligini oshirish bo'yicha takliflar, yashirin iqtisodiyotni kamaytirish yo'llari, xalqaro tajribalar va raqamli soliq tizimlarini joriy etish bo'yicha tavsiyalar o'rganilgan. Tadqiqotda soliq tizimini soddalashtirish, soliq organlari va soliq to'lovchilar o'rtasida o'zaro hamkorlikni kuchaytirish, yashirin iqtisodiyotni qisqartirishga qaratilgan ilmiy-amaliy takliflar va tavsiyalar ishlab chiqilgan.

Asosiy mavzular

Soliq ma'muriyatchiligining nazariy-huquqiy asoslari va iqtisodiy ahamiyati: Bobda soliq munosabatlari tizimining iqtisodiyot barqarorligini ta'minlashdagi roli, inqirozlar sharoitida davlatning byudjet-soliq siyosati va ma'muriyatchiligiga nazariy-amaliy yondashuvlar, soliq munosabatlarini tartibga solish tizimini rivojlanish tendensiyalari hamda ularni takomillashtirish masalalari o'rganilgan.
Soliq ma'muriyatchiligining tashkiliy-uslubiy mexanizmlari va uni takomillashtirish yo'llari: Ushbu bobda soliq ma'muriyatchiligi tizimi, uning tasnifi, soliq majburiyatlari, ularning ijrosini tartibga solish, hisob tizimi ma'lumotlari bazasidan soliq munosabatlarini tartibga solishda foydalanish, soliq huquqbuzarliklari va ularni tasniflashning o'ziga xos xususiyatlari, mavjud uslubiyot muammolari hamda ularni takomillashtirish masalalari o'rganilgan.
O'zbekistonda soliq munosabatlari tizimini tartibga solish amaliyoti va muammolari: Mazkur bobda soliq nazoratining rolini oshirish, yashirin iqtisodiyot va uni tartibga solishda soliq ma'muriyatchiligining roli hamda soliq xizmati organlari faoliyati samaradorligi va uni baholash tizimini takomillashtirish tahlil qilingan. Soliq nazoratini tashkil etishni takomillashtirish masalalari bo'yicha takliflar berilgan va ilmiy xulosalar qilingan.
Xorijiy tajribalar va soliq ma'muriyatchiligini takomillashtirish yo'nalishlari: Ushbu bobda soliq ma'muriyatchiligini tashkil etishning xorij tajribalari va uning o'ziga xos xususiyatlari, elektron tijorat bo'yicha soliq ma'muriyatchiligini takomillashtirish masalalari hamda raqamli soliq ma'muriyatchiligi va uni takomillashtirish masalalarini ekspert baholash yo'llari o'rganilgan.