Belbog‘li kurashchilarning musobaqa oldi tayyorgarlik bosqichida o‘quv yuklamasini rejalashtirish
Ushbu dissertatsiya tadqiqoti belbog'li kurashchilarning musobaqa oldi tayyorgarlik bosqichida oʻquv yuklamalarini rejalashtirishda texnik-taktik harakatlarni optimallashtirishga bag'ishlangan. Tadqiqotda ilmiy-uslubiy adabiyotlar tahlili asosida mashg'ulot jarayonini tashkil qilish, jismoniy sifatlarni rivojlantirish, texnik-taktik tayyorgarlikni takomillashtirish hamda musobaqa yuklamalarini optimallashtirish bo'yicha ilmiy-amaliy tavsiyalar ishlab chiqilgan. Tadqiqot natijalari nazariy-uslubiy jihatdan asoslangan bo'lib, amaliyotda joriy etishga tayyor.
Asosiy mavzular
- Belbogʻli kurashchilarning musobaqa oldi tayyorgarligi bosqichida oʻquv yuklamalarini rejalashtirish: Belbogʻli kurashchilarning musobaqa oldi tayyorgarligi bosqichida jismoniy va texnik-taktik tayyorgarlik darajasini takomillashtirishga qaratilgan oʻquv-mashg'ulot jarayonida yuklamalar kattaliklari doimiy ravishda nazorat qilib borilgan. Musobaqa oldi tayyorgarlik davridagi mashg'ulot yuklamalarini noan'anaviy shaklda rejalashtirish orqali ularning dam olish oraliqlari va umumiy hamda maxsus qobiliyatlari asta-sekinlik bilan oshirib borilgan.
- Jismoniy sifatlarni rivojlantirish va oʻquv yuklamalarini optimallashtirish: Musobaqa oldi tayyorgarlik bosqichida jismoniy sifatlarni rivojlantirishga qaratilgan katta hajmdagi ishni samarali bajarish uchun belbogʻli kurashchilarga koʻproq taalluqli sifatlarni tarbiyalash, oshirish va usullarni bajarishda yuqori darajada ishtirok etuvchi mushak guruhlarini tanlab rivojlantirish hisobiga kurashchilarning musobaqa faoliyatida bajaradigan asosiy harakatlari takomillashtirilgan.
- Belbogʻli kurashda texnik-taktik harakatlarni takomillashtirish: Belbogʻli kurashda murakkab hujum harakatlarini boshlashdan oldin chalg'ituvchi harakatlar variantini qoʻllab, raqib hujumini buzish orqali qulay dinamik holatni shakllantirishga qaratilgan taktik harakat elementlarini kiritish hisobiga bellashuvni oʻz foydasiga hal qilish imkoniyati oshirilgan.