Замондош мулоҳазалари
Ushbu kitob "Farovon jamiyat qurish yo'lida" deb nomlanadi va zamonaviy O‘zbekiston jamiyatining ijtimoiy-siyosiy rivojlanish yo'llari, taraqqiyot omillari, milliy qadriyatlar va global dunyoda shaxsning o‘rni kabi dolzarb masalalarni qamrab oladi. Muallif, siyosatshunos olim Baxtiyor Omonov, mamlakatimizda amalga oshirilayotgan islohotlar, jamiyat hayotida kechayotgan o‘zgarishlar, taraqqiyotning o‘ziga xos yo‘nalishlari hamda jahon tajribasidan olingan saboqlarni chuqur tahlil etib, kelajakka yo‘naltirilgan fikr mulohazalarini bayon qiladi. Kitobda ilmiy-ommabop tilda yozilgan maqolalar orqali shaxs ma’naviyati, iqtisodiy taraqqiyot, ta’lim va tarbiya, milliy g‘urur kabi muhim mavzular ochib berilgan.
Asosiy mavzular
- Yangi O‘zbekistonning imkoniyatlari: Ushbu bobda O‘zbekistonning mustaqillik yillarida amalga oshirgan islohotlari, erishilgan yutuqlar, jahon tajribasi hamda yangi O‘zbekiston taraqqiyoti uchun muhim ahamiyatga ega bo‘lgan omillar haqida so‘z boradi.
- Ilm, ma’rifat va dunyoqarashning rivojlanishi: Bobda ilm-fanning jamiyat taraqqiyotidagi o‘rni, shaxs ma’naviyatini shakllantirishda ta’lim va tarbiyaning ahamiyati, shuningdek, dunyoqarashni kengaytirishda kitobxonlik madaniyatining roli yoritilgan.
- Milliy qadriyatlar va zamonaviy dunyo: Ushbu mavzu milliy qadriyatlarimizni zamonaviy dunyo bilan uyg‘unlashtirish, milliy o‘zlikni saqlash va rivojlantirish masalalariga bag‘ishlangan.
- Jamiyatda korrupsiya va unga qarshi kurash: Bobda korrupsiya illatining kelib chiqish sabablari, uning jamiyatga ta’siri va unga qarshi kurashish yo‘llari haqida atroflicha mulohazalar bildirilgan.
- Elektron hukumat va jamiyat erkinligi: Ushbu bobda elektron hukumat tizimining jamiyatni modernizatsiyalash va fuqarolarning davlat boshqaruvidagi ishtirokini oshirishdagi o‘rni haqida so‘z boradi.
- Buniydkorlik falsafasi: Bobda mamlakatni rivojlantirish, taraqqiyotga erishishda bunyodkorlik falsafasining ahamiyati, uning asosiy tamoyillari tahlil qilingan.
- Siyosiy-ijtimoiy rivojlanishning o‘ziga xos yo‘nalishlari: Ushbu mavzu Yevropa, Osiyo davlatlari (Yaponiya, Xitoy, Hindiston, Singapur, Malayziya)ning ijtimoiy-siyosiy rivojlanish tajribalari va ulardan olingan saboqlarni tahlil qiladi.