Fenollarning xlorasetil hosilalarini sintezi, xossalari va qo‘llanilishi

Ushbu dissertatsiya Xloratsetilxlorid bilan fenol va izomer krezollarning xloratsetillash reaksiyalari, olingan mahsulotlarning oʻziga xos xossalari, ular asosida yangi birikmalar sintezi va ularning sanoatda qoʻllash texnologiyasini ishlab chiqishga bagʻishlangan. Tadqiqotda yangi moddalar sintez qilingan boʻlib, ular qishloq xoʻjaligida va boshqa tarmoqlarda qoʻllanilishi mumkinligi ilmiy jihatdan asoslab berilgan.

Asosiy mavzular

• Kirish: Dissertatsiya mavzusining dolzarbligi va zarurati, Respublika fan va texnologiyalari rivojlanishining ustuvor yoʻnalishlariga mosligi, xorijiy ilmiy tadqiqotlar sharhi, tadqiqotning maqsadi, vazifalari, obyekti va predmeti tavsiflangan. Tadqiqotning ilmiy yangiligi va amaliy natijalari bayon qilingan, ularning ishonchliligi asoslangan, tadqiqot natijalarining ilmiy va amaliy ahamiyati ochib berilgan, amaliyotga natijalarning joriy qilinishi, nashr qilingan ilmiy ishlar va dissertatsiya tuzilishi boʻyicha ma'lumotlar keltirilgan.
• Fenollar va ularning efirlarini xloratsetillash reaksiyalari: Ushbu bobda aromatik uglevodorodlar, fenollar va ularning efirlarini alifatik hamda aromatik kislota galogenangidridlari va anghidridlari bilan atsillash reaksiyalari chet el hamda oʻzbek olimlari tomonidan oʻrganilgan. Fenol va krezollarni ekvimolekulyar miqdordagi AlCl3 ishtirokida xloratsetillash reaksiyalari oʻrganilgan. Hosil boʻlgan mahsulot unumi ham yuqori boʻlmagan. Fenol va krezollarni xlorasetilxlorid bilan katalitik miqdordagi katalizatorlar hamda nanokatalizatorlar ishtirokida reaksiyalar oʻrganilmagan.
• Fenollarning xlorasetil hosilalarining sintezi: Ushbu bobda fenol va izomer krezollarni katalitik miqdordagi rux xlorid, temirning xlor va sulfat tuzlari hamda FeCl3/SiO2-TiO2 nanokatalizatori ishtirokida xloratsetillash reaksiyalari keltirilgan, ushbu bobda fenil-, o-, m-, p-tolilxloratsetatlar va ular asosidagi sintezlar berilgan.
• Fenollarning xloratsetil hosilalarining xossalari, qoʻllanilishi va ishlab chiqarish texnologiyasi: Ushbu bobda fenil- o-, m-, p-tolilxloratsetatlar asosida sintez qilingan moddalarning fungitsidlik va bakteritsidlik xossalari, olingan moddalarning xossalarini gaussian 09w dasturi yordamida nazariy oʻrganish, kimyoviy korroziyaga qarshi xossalari, biokorroziyaga qarshi xossalari, fenilfenoksiatsetatning ikki bosqichli va bir bosqichda olishning laboratoriya hamda sanoat usullari ishlab chiqilgan, ishlab chiqarishning texnologik parametrlari aniqlanib, moddiy balansi tuzilgan.
• XULOSALAR: Dissertatsiya asosida olingan xulosalar va ularning amaliyotga joriy etilishi haqida ma'lumot berilgan.