Virtual hamkorlik muhitida talabalarni obyektga yo'naltirilgan dasturlashga o'rgatish metodikasi

Ushbu dissertatsiya mavzusi - Virtual hamkorlik muhitida talabalarni obyektga yo'naltirilgan dasturlashga o'rgatish metodikasini takomillashtirishdir. Tadqiqotda Oliy ta'lim muassasalarida informatika o'qitish metodikasi yo'nalishi talabalari uchun virtual hamkorlik muhitidan foydalanib, obyektga yo'naltirilgan dasturlashni o'rgatishning ilmiy-nazariy va amaliy jihatlari o'rganilgan. Tadqiqotda zamonaviy axborot-kommunikatsiya texnologiyalaridan foydalanish asosida talabalar uchun qulay va samarali ta'lim muhiti yaratishga qaratilgan ilmiy-metodik tavsiyalar ishlab chiqilgan.

Asosiy mavzular

Kirish: Dissertatsiya mavzusining dolzarbligi va zarurati, uning respublika fan va texnologiyalari rivojlanishining ustuvor yo'nalishlariga mosligi, muammoning o'rganilganlik darajasi, tadqiqotning obyekti, predmeti, usullari, ilmiy yangiligi, amaliy natijalari, ishonchliligi, nazariy va amaliy ahamiyati, natijalarning amaliyotga joriy etilishi va aprobatsiyasi haqida ma'lumotlar berilgan.
1-bob. "Virtual hamkorlik muhitida talabalarga obyektga yo'naltirilgan dasturlashni o'qitishning ilmiy-nazariy asoslari": Ushbu bobda ta'lim jarayonida virtual hamkorlik muhitidan foydalanishning bugungi holati, unda talabalarga dasturlashning obyektga yo'naltirilgan qismini o'qitishning samaradorligini ta'minlashning metodik ta'minoti, virtual hamkorlik muhiti va oliy ta'limga tatbiq etishning tashkiliy-uslubiy tamoyillari, o'qitishning pedagogik-psixologik asoslari ko'rsatib berilgan.
2-bob. "Virtual hamkorlik muhiti asosida talabalarga obyektga yo'naltirilgan dasturlashni o'rgatish metodikasi": Ushbu bobda virtual hamkorlik muhitini tashkil etuvchi dasturiy vositalar va ularning qiyosiy tahlili, virtual hamkorlik muhitini tashkil etuvchi dasturiy vositalardan foydalanish metodikasi, virtual hamkorlik muhitida obyektga yo'naltirilgan dasturlashga oid mashg'ulotlar tashkil etish metodikasi ochib berilgan. Shuningdek, LMS tizimidan foydalangan holda oʻquv jarayonini yanada samarali tashkil etish usullari ham koʻrsatib oʻtilgan.
3-bob. "Pedagogik tajriba-sinov ishlarini tashkil qilish va uning natijalari": Ushbu bobda oliy ta'lim talabalarini obyektga yo'naltirilgan dasturlashga o'rgatishning tajriba-sinov ishlarini tashkil etish metodikasi hamda tajriba-sinov ishlarining statistik tahlili keltirilgan. Tadqiqot natijalarining umumlashtirilgan yakuniy natijalari matematik statistik tahlili asosida koʻrib chiqilgan.
Xulosa: Dissertatsiya tadqiqotlari natijasida talabalarga obyektga yo'naltirilgan dasturlashni o'rgatishning samaradorligini oshirish bo'yicha qo'shimcha uslubiy-metodik tavsiyalar ishlab chiqilgan.