Talabalarda ma’naviy-estetik merosga aksiologik munosabatni rivojlantirish metodikasini takomillashtirish (falsafa fani misolida)

Ushbu dissertatsiya avtoreferatida talabalarda ma'naviy-estetik merosga aksiologik munosabatni rivojlantirish metodikasini takomillashtirish masalasi falsafa fani misolida tadqiq etilgan. Tadqiqotning maqsadi - talabalarda ma'naviy-estetik merosga aksiologik munosabatni rivojlantirish metodikasini takomillashtirishga doir taklif va tavsiyalar ishlab chiqishdan iborat. Tadqiqotda "ma'naviy-estetik kompetentlik" tushunchasining mazmun-mohiyati, kontseptual asoslari va unga ta'sir etuvchi omillar aniqlashtirilgan. Shuningdek, falsafa fani asosida talabalarda ma'naviy-estetik merosga aksiologik munosabatni rivojlantirish modeli va texnologik asoslari takomillashtirilgan, ilmiy-metodik tavsiyalar ishlab chiqilgan.

Asosiy mavzular

Kirish: Kirish qismida mavzuning dolzarbligi va zarurati, muammoning oʻrganilganlik darajasi, ilmiy yangiligi, tadqiqotning respublika fan va texnologiyalari rivojlanishining asosiy ustuvor yo'nalishlariga bog'liqligi, obyekti, predmeti, metodlari, maqsadi va vazifalari aniqlangan, olingan natijalarning ilmiy va amaliy ahamiyati, amaliyotga joriy qilingani, aprobatsiyasi, tadqiqot doirasida nashr etilgan ishlar, dissertatsiyaning tuzilishi boʻyicha ma'lumotlar keltirilgan.
Ma'naviy-estetik meros tushunchasining mazmun-mohiyati va aksiologik munosabatni shakllantirishning pedagogik zarurati: Ushbu paragrafda "ma'naviy-estetik meros” tushunchasining mazmun-mohiyati va unga aksiologik munosabatni shakllantirishning pedagogik zarurati, kontseptual asoslari va lug'atlarda tariflanishi yoritilgan. "Ma'naviyat” va "ma'naviy meros" tushunchalarining mazmuni, "estetika”, "estetik tarbiya" va "ma'naviy-estetik meros” tushunchalarining mazmunini ko'rib chiqish maqsadga muvofiq deb ko'rsatilgan.
Falsafa fani asosida talabalarda ma'naviy-estetik merosga aksiologik munosabatni rivojlantirish metodikasi: Mazkur bobda falsafa fanlari asosida talabalarda ma'naviy-estetik merosga aksiologik munosabatni rivojlantirish mazmuni, modeli va modulli ta'lim texnologiyasi tadqiq etilgan. Bugungi kunda talabalarda ma'naviy-estetik merosga aksiologik munosabatni rivojlantirish va bu jarayonda falsafa ta'limi imkoniyatlaridan samarali foydalanish vazifalari dolzarblik kasb etmoqda.
Falsafa fani asosida talabalarda ma'naviy-estetik merosga aksiologik munosabatni rivojlantirish samaradorligi: Mazkur bobda tajriba-sinov ishlarini tashkil etishning mazmuni, metodikasi, natijalari va statistik tahlili keltirilgan. Tajriba-sinov ishlari 2020 yildan 2023 yilgacha uch bosqichda amalga oshirildi. Tajriba-sinov ishlariga Farg'ona davlat universiteti, Namangan davlat universiteti, Jizzax davlat pedagogika universitetining 440 nafar talabasi jalb etildi. Shakllantiruvchi tajriba-sinov ishlari so'ngida falsafa fanlari asosida talabalarda ma'naviy-estetik merosga aksiologik munosabatni rivojlantirish samaradorligi qayta tekshirildi va jadval koʻrinishida umumlashtirildi.
XULOSA: Tadqiqot doirasida ishlab chiqilgan xulosalar keltirilgan. Jumladan, ma'naviy-estetik merosning mohiyati, talabalarda ma'naviy-estetik merosga aksiologik munosabatni rivojlantirish tizimi, uni rivojlantirishning dolzarb ijtimoiy-pedagogik ahamiyati, falsafiy manbalardan foydalanish, tadqiqot natijalari va takliflar bayon etilgan.