Islom Karimov nomidagi ilmiy-ma’rifiy yodgorlik majmuasini shakllanishi va muzeylashtirish jarayoni

Ushbu avtoreferat Oʻzbekistonning Birinchi Prezidenti Islom Karimov nomidagi ilmiy-maʼrifiy yodgorlik majmuasining shakllanishi va muzeylashtirish jarayonini, uning sanʼatshunoslik va muzeyshunoslikdagi oʻrni, shuningdek, Islom Karimov siymosining tasviriy sanʼat asarlarida talqinini ilmiy-nazariy jihatdan tadqiq etadi. Tadqiqotda muzeylar tashkil etishning yangi metodologiyalari, zamonaviy muzey texnologiyalari, eksponatlarni joylashtirish va ekspozitsiyalarni tashkil etish boʻyicha xalqaro tajribalar tahlil qilingan. Shuningdek, Islom Karimovning hayoti va faoliyati, uning davlat boshqaruvidagi roli, ilm-fan va madaniyatni rivojlantirishga qoʻshgan hissasi ham yoritilgan. Ushbu tadqiqot Oʻzbekiston sanʼatshunosligi va muzeyshunosligi sohalari rivojiga oʻz hissasini qoʻshadi.

Asosiy mavzular

Tadqiqotning dolzarbligi va zarurati: Jahon san'atshunoslik va muzeyshunoslik ilmida tarixiy shaxs va uning faoliyatini har tomonlama oʻrganish muhim o'rin tutadi. Muzeylar, ayniqsa, eks-prezidentlar muzeylari, fuqarolik burchi va vatanparvarlik tuyg'usini shakllantirishda muhim vosita hisoblanadi. Globalizatsiya jarayoni kuchayib borayotgan sharoitda, madaniy merosni tiklash va ajdodlar xotirasini asrash dolzarb ahamiyat kasb etmoqda.
Tadqiqotning maqsadi: Islom Karimov nomidagi ilmiy-ma'rifiy yodgorlik majmuasini shakllanishi va muzeylashtirish jarayonining asosiy omillarini ochib berishdan iborat.
Tadqiqotning vazifalari: Islom Karimov nomidagi ilmiy-ma'rifiy yodgorlik majmuasining shakllanish xususiyatlari va Oqsaroy qarorgohini muzeylashtirish jarayonini ochib berish; "Butun olamni jo etgan yurak" koʻrgazmasi va undagi san'at asarlari kolleksiyasininig shakllanishiga doir masalalarni san'atshunoslik fani kesimida tadqiq etish; Islom Karimov nomidagi ilmiy-ma'rifiy yodgorlik majmuasining badiiy va ijtimoiy jarayonlardagi rolini aniqlash; O'zbekistonning Birinchi Prezidenti tomonidan amalga oshirilgan islohotlarning mamlakat madaniy hayoti rivojida tutgan oʻrni va I.Karimov xotirasini abadiylashtirilishiga qaratilgan tadbirlar ahamiyatini asoslash; Oʻzbekiston tasviriy san'atida Islom Karimov siymosining ifoda usullarini va uning badiiy ta'sirchanlik omillarini ochib berish; Islom Karimov nomidagi ilmiy-ma'rifiy yodgorlik majmuasining shakllanishini tadqiq etish orqali uning muzeylashtirish jarayonini xalqaro andozalarga muvofiq takomillashtirish, xizmatlarning interaktivligini oshirishga doir taklif va tavsiyalar ishlab chiqish.
Tadqiqotning ilmiy yangiligi: Davlat boshqaruviga moʻljallangan “Oq saroy" majmuasini mustaqillik yillarida mamlakatimizda olib borilgan ijtimoiy-siyosiy, madaniy-ma'rifiy jarayonlarni aks ettiruvchi unikal bino sifatida muzeylashtirilish tajribasi MDH davlatlari orasida yagonaligi asoslangan; ilmiy-ma'rifiy yodgorlik majmuasining yaratilish maqsad va vazifalariga koʻra, birinchi boʻlim va boshqa bo'limlar ekspozitsiyalarining loyiha konsepsiyasi mavzuli va xronologik tartibda ishlab chiqilganligi dalillangan.
Tadqiqot natijalarining ilmiy va amaliy ahamiyati: Tadqiqot natijalari san'atshunoslik va muzeyshunoslik sohalarida faoliyat yuritayotgan mutaxassislar, tadqiqotchilar, umuman, san'atshunoslar va muzeyshunoslar uchun kerakli manba sifatida ahamiyatli. Zamonaviy tasviriy san'atga kompleks yondashuv va ilg'or nazariy metodlarning qoʻllangani mavjud ijodiy izlanishlarni keng doirada oʻrganish uchun xizmat qiladi. Shuningdek, zamonaviy muzeyshunoslik rivojlanishining asosiy bosqichlariga aloqador, kam oʻrganilgan va noma'lum boʻlgan manbalarni ilmiy tahlil etish orqali kerakli manba sifatida xizmat qilishi bilan belgilanadi.
Tadqiqot natijalarining joriy qilinishi: Islom Karimov nomidagi ilmiy-ma'rifiy yodgorlik majmuasini shakllanishi va muzeylashtirish jarayonini tadqiq etish bo'yicha olingan ilmiy natijalar asosida: "Oq saroy” majmuasining davlat boshqaruvi uchun mo'ljallangan inshootdan ilmiy-ma'rifiy yodgorlik majmuasiga aylantirilishi MDH davlatlari miqyosida yagonaligi bilan ajralib turadigan muzeylashtirish tajribasi ekanligi asoslangan; Oʻzbekiston Respublikasining Birinchi Prezidenti Islom Karimov nomidagi ilmiy-ma'rifiy yodgorlik majmuasining “Koʻrgazmalar zali” va "Islom Karimov muzeyi" hujjatlar fondini takomillashtirishda foydalanilgan; Ma'naviy tadqiqotlar instituti targ'ibot tadbirlari ssenariysini ishlab chiqishda foydalanilgan; Respublika Ma'naviyat va maʼrifat kengashi, Respublika Ma'naviyat va ma'rifat markazining targ'ibot tadbirlari loyihalarini yaratishda foydalanilgan.
Tadqiqot natijalarining aprobatsiyasi: Tadqiqot natijalari respublika miqyosida oʻtkazilgan 5 ta ilmiy-amaliy konferensiya va 5 ta xalqaro ilmiy anjumanlarda aprobatsiyadan oʻtkazilgan.
Tadqiqot natijalarining e'lon qilinganligi: Dissertatsiya mavzusi boʻyicha jami 18 ta ilmiy maqola, jumladan Oliy attestatsiya komissiyasining doktorlik dissertatsiyalari asosiy natijalarini chop etish tavsiya etilgan ilmiy nashrlarda 4 ta ilmiy maqola, xorijiy jurnallarda 4 ta, boshqa ilmiy to'plamlarda 10 ta xalqaro va respublika ilmiy-amaliy anjumanlari tezislari chop etilgan.
Dissertasiyaning tuzilishi va hajmi: Dissertasiya tarkibi kirish, uchta bob, xulosa va foydalanilgan adabiyotlar ro'yxatidan iborat. Dissertasiyaning hajmi 128 betdan iborat. Ilova qilingan illyustrativ albom 30 betni tashkil etadi.
Ilmiy-ma'rifiy yodgorlik majmuasining shakllanish jarayoni: Ushbu bobda Islom Karimovning zamonaviy Oʻzbekiston asoschisi va me'mori, Oʻzbekistonning mustaqillik yillarida erishgan yutuqlari bunyodkori, mamlakatimizning jahon hamjamiyatidagi nufuzini mustahkamlagan buyuk shaxs sifatidagi hayoti va faoliyati o'rganilgan.
Islom Karimov siymosining tasviriy san'at asarlaridagi talqini: Ushbu bobda Islom Karimov siymosining tasviriy san'at asarlaridagi talqini san'atshunoslik nuqtai nazaridan badiiy tahlil etilgan. Jumladan, "Butun olamni jo etgan yurak" ekspozitsiyasining tahlili va Islom Karimov siymosining fotolardagi ifodasi oʻrganilgan.
Islom Karimovning madaniy hayoti rivojida islohotlari: Ushbu bobda mustaqil Oʻzbekistonning madaniyat rivojida Islom Karimov amalga oshirgan ijtimoiy-siyosiy islohotlar, ularning san'atshunoslik sohasiga koʻrsatgan ijobiy ta'siri tahlil etilgan.
Xulosa: Tadqiqot natijalariga asoslanib, Islom Karimov nomidagi ilmiy-ma'rifiy yodgorlik majmuasini shakllanishi va muzeylashtirish jarayoni boʻyicha bir qator xulosalar va tavsiyalar berilgan.