Ijtimoiy davlat qurishda demokratizm va konstitutsionalizm: xorijiy hamda milliy tajribalarning falsafiy jihatlari

Ushbu tadqiqotda Oʻzbekistonda ijtimoiy davlat barpo etishda demokratiya va konstitutsionalizm tamoyillarining falsafiy mohiyati, ularning institutsional ifodasi, Sharq va Gʻarb davlatlaridagi tajribalarning umumiy va farqli jihatlari tadqiq etiladi. Oʻzbekistonda ijtimoiy davlat qurishda demokratiya va konstitutsionalizmning yangi paradigmal, siyosiy voqelik sifatida shakllanishi va uning imkoniyatlari hamda mexanizmlaridan foydalanishga alohida urgʻu berilgan. Tadqiqotda demokratiya va konstitutsionalizmning zamonaviy sharqona va gʻarbona modellari, ularning ijtimoiy taraqqiyotga taʼsiri, umumiy va farqli jihatlari hamda Sharq davlatlaridagi oʻziga xosliklari, milliy demokratik taraqqiyotda tarixiy-madaniy boyliklari va ma'naviy-axloqiy qadriyatlariga katta e'tibor berilishi tahlil qilingan.

Asosiy mavzular

Ijtimoiy davlat qurishda demokratiya va konstitutsionalizmning falsafiy jihatlari: Ushbu mavzu ijtimoiy davlatning nazariy va falsafiy asoslarini, demokratiya va konstitutsionalizm tamoyillarining oʻziga xos sharqona va gʻarbona modellari, ularning ijtimoiy taraqqiyotga ta’siri hamda Sharq mamlakatlaridagi tajribalarini qiyosiy tahlil qilishga bagʻishlangan.
Oʻzbekiston tajribasida demokratiya va konstitutsionalizm: Mavzu Oʻzbekistonda ijtimoiy davlat qurish jarayonida demokratiya va konstitutsionalizm tamoyillarining milliy tajribalari, shuningdek, Oʻzbekiston Konstitutsiyasining qabul qilinishi va uning mamlakat rivojlanishidagi oʻrni tahlil qilinadi.
Sharq va Gʻarb davlatlarida ijtimoiy davlat qurish tajribasi: Ushbu mavzu sharqona va gʻarbona ijtimoiy davlat qurish modellari, ularning oʻziga xos xususiyatlari, ijtimoiy taraqqiyotga ta'siri hamda bu boradagi tajribalarning umumiy va farqli jihatlari qiyosiy tahlil qilinadi.