О‘zbek va nemis tillarida “nikoh” bilan bog‘liq leksik birliklarning qiyosiy tadqiqi
Ushbu tadqiqot oʻzbek va nemis tillarida “nikoh” bilan bogʻliq leksik birliklarning qiyosiy tahliliga bagʻishlangan. Unda nikoh marosimlariga oid leksik birliklarning lingvokulturologik va etnolingvistik jihatlari, ularning milliy-madaniy xususiyatlari va ijtimoiy funksiyalari tahlil qilinadi. Tadqiqot davomida oʻzbek va nemis tillaridagi “nikoh” tushunchasi bilan bogʻliq lisoniy birliklarning mikrosistemasi, ularning tarkibiy tuzilishi, semantik xususiyatlari hamda har ikkala til tizimidagi paradigmatik va sintagmatik munosabatlari oʻrganilgan.
Asosiy mavzular
- Tilshunoslikda nikoh tushunchasi: Oʻzbek va nemis tillarida “nikoh” tushunchasining kelib chiqishi, tarixiy rivojlanishi va maʼnolari tahlil qilingan.
- Nikoh marosimlari va leksik birliklarning qiyosiy tahlili: Oʻzbek va nemis xalqlarining nikoh marosimlariga oid leksik birliklarning lingvokulturologik va etnolingvistik jihatlari, ularning milliy-madaniy xususiyatlari va ijtimoiy funksiyalari tahlil qilingan.
- Nikoh bilan bogʻliq leksik birliklarning idiomatik va paremik ifodalanishi: Oʻzbek va nemis tillaridagi “nikoh” bilan bogʻliq leksik birliklarning xalq qoʻshiqlari, irim-sirimlar va maqollar orqali ifodalanishi misollar yordamida dalillangan.