Ona tili o’qitish metodikasi

Raxmanova V.S.ning "Ona tili o'qitish maxsus metodikasi" kitobi yordamchi mehnat ta'limi maktablarida aqli zaif o'quvchilarga ona tilini o'rgatishning o'ziga xos usullarini yoritadi. Qo'llanma korreksion yo'nalishga ega bo'lib, talabalarni kelajakda ona tili, o'qish, yozuv va nutq o'stirish darslarini muvaffaqiyatli o'tishga tayyorlaydi. Shuningdek, resurs o'qituvchi sifatida integratsiyalashgan ta'limga jalb etishda ham qo'l keladi.

Asosiy mavzular

Yordamchi mehnat ta'limi maktabida ona tili mahsus metodikasi fanining umumiy masalalari: Bu bobda maxsus metodikaning predmeti, vazifasi, mazmuni, boshqa fanlar bilan aloqasi va bo'limlari ko'rib chiqiladi. Shuningdek, aqli zaif o'quvchilar bilan ishlashning o'ziga xos jihatlari, ta'lim-tarbiya jarayonini korreksion yo'nalishda amalga oshirish masalalari yoritiladi.
Ona tili yordamchi maktabda oʻquv predmeti sifatida: Ushbu bob yordamchi maktabda ona tili fanining maqsadlari, vazifalari, yo'nalishlari va tuzilishi haqida ma'lumot beradi. Aqli zaif o'quvchilarning savod o'rgatish, nutq o'stirish va grammatikani o'zlashtirishdagi o'ziga xosliklari tahlil qilinadi.
Yordamchi maktabda ona tili oʻqitish tamoillari: Ta'lim qonuniyatlari va tamoillari, didaktik tamoillar va ularga amal qilish, ona tili darslariga xos tamoillar, yangi inovatsion pedagogik texnologiyalar asosida darslarni o'tkazish yo'llari ko'rsatilgan.
Aqli zaif oʻquvchilar nutqining rivojlanish hususiyatlari: Ushbu bobda aqli zaif bolalarning nutqidagi kamchiliklar, talaffuz va idrokdagi qiyinchiliklar, lug'at boyligi, gap tuzishdagi o'zgarishlar va bog'langan nutqning rivojlanish hususiyatlari haqida batafsil ma'lumot beriladi.
Yordamchi mehnat ta'limi maktabida savod oʻrgatish va nutq oʻstirish metodikasi: Savod o'rgatishning ilmiy asoslari, tayyorlash davri, alifbe davri, tahlil-tarkib tovush usuli, savod o'rgatish usullari tarixi, talaffuzni shakllantirish masalalari ko'rib chiqiladi. Ta'limiy, tarbiyaviy va korreksion vazifalar yoritilgan.
Yordamchi mehnat taʼlimi maktabida oʻqishga oʻrgatish va nutq oʻstirish metodikasi: O'qish darslarining ta'limiy, tarbiyaviy vazifalari, o'qish malakalarini shakllantirish yo'llari, o'quvchilarda og'zaki nutqni o'stirish, mashqlar va o'yinlar orqali darsni tashkil etish metodikasi ko'rsatib o'tilgan.
Yordamchi mehnat taʼlimi maktabida «Grammatika imlo va nutq oʻstirish»: Grammatika oʻqitishning maqsadi, vazifalari, prinsiplari, grammatik mashq turlari va metodikasi, imlosi qiyin soʻzlarning yozilishini oʻrgatish, nutq madaniyatini shakllantirish, xatolarni tuzatish usullari haqida ma'lumotlar berilgan.
Aqli zaif oʻquvchilarning bogʻlangan ogʻzaki va yozma nutqini oʻstirish metodikasi: Ushbu bobda aqli zaif oʻquvchilarning bogʻlangan nutqi, dialogik va monologik nutqni o'stirish, shuningdek bayon va insho yozishga o'rgatish metodlari haqida ma'lumotlar yoritilgan.