Бобурнома

"Boburnoma" - Zahiriddin Muhammad Bobur tomonidan eski o'zbek tilida yozilgan memuar va tarixiy-ilmiy asar. Asarda 1494-1529 yillarda Markaziy Osiyo, Afg'oniston va Hindistonda bo'lib o'tgan tarixiy voqealar yilma-yil aniqlik bilan bayon qilingan. Asar Boburning hayoti va siyosiy faoliyati bilan chambarchas bog'liq. Kitob 3 qismga bo'linadi: Boburning Movarounnahr, Afg'oniston va Hindistondagi hukmdorlik davri.

Asosiy mavzular

Markaziy Osiyo voqealari (1494-1504): Boburning Farg'ona taxtiga kelishi, Samarqand uchun Shayboniyxonga qarshi kurashlari va taxtdan ayrilishi, Hisor orqali Afg'onistonga yo'l olishi.
Afg'oniston davri (1504-1524): Boburning Kobulni zabt etishi, u yerda mustaqil davlat tuzishi, Samarqandni qayta egallashga urinishi va mag'lubiyatga uchrashi.
Hindiston davri (1524-1530): Boburning Hindistonni zabt etishga tayyorgarligi, Dehli sultoni Ibrohim Lo'dini mag'lub etishi, Shimoliy Hindistonni bosib olishi va Boburiylar davlatiga asos solishi.
Shaxsiyatlar va ularning tavsifi: Alisher Navoiy, Abdurahmon Jomiy, Behzod kabi shaxslar hamda Umarshayx Mirzo, Sulton Ahmad, Sulton Mahmud, Boysung`ur Mirzo, Sulton Husayn kabi temuriylar o'rtasidagi munosabatlar.
Ilm-fan va madaniyat: Asarda tarix, falsafa, fiqh, din ta'limoti, tilshunoslik, jug'rofiya, tabiatshunoslik, ma'danshunoslik, dehqonchilik, bog'dorchilikka oid ma'lumotlar.