Bino va inshootlar konstruksiyasi hisobi asoslari

Ushbu kitob qurilish sohasidagi oliy va o'rta maxsus ta'lim muassasalari talabalari uchun mo'ljallangan bo'lib, binolar va inshootlarning konstruksiyalari, zaminlari va poydevorlarini hisoblash hamda loyihalash asoslarini qamrab oladi. Unda qurilish materiallari, konstruksiyalarning turlari, ularga qo'yiladigan talablar, hisoblash usullari va loyihalash tamoyillari batafsil yoritilgan.

Asosiy mavzular

Qurilish konstruksiyalari, zaminlarni hisoblash va loyihalash: Binolar va inshootlarning ta'rifi, tuzilishi, binolarga qo'yiladigan talablar, binolarga ta'sir qiladigan tashqi ta'sirlar, binolar sinflari, konstruktiv elementlari, zamin va poydevorlarni loyihalash asoslari.
Metall konstruksiyalar: Metall konstruksiyalarga qo'yiladigan talablar, ishlatiladigan sohalar, hisoblash asoslari, po'lat materiallarning qarshiligi, po'lat sortamenti, payvandlash usullari.
Yog'och konstruksiyalar: Yog'och konstruksiyalarni chegaraviy holatlar bo'yicha hisoblash, yaxlit kesimli yog'och elementlarni hisoblash, cho'zilish, siqilish, egilish va yorilishga hisoblash.
Tosh, g'isht va o'zaklangan konstruksiyalar: Tosh-g'isht konstruktsiyalari haqida umumiy ma'lumotlar, tosh g'isht va armatosh konstruktsiyalarni hisoblash, devor materiallariga qo'yiladigan talablar.
Temirbeton konstruksiyalar: Temirbetonning normativ va hisobiy qarshiligi, temirbeton konstruktsiyalarini darzbardoshlikka qo'yiladigan talablar, turli kuchlanish holatlarida hisoblash usullari.
Bino va inshootlarning poydevorlari: Poydevorlarning asosiy xususiyatlari, poydevor turlari va ularni loyihalash, poydevorlarni hisoblash va o'rnatish, tabiiy zamindagi sayoz poydevorlarni hisoblash.