Tebranma harakat, to‘lqinlar va optika

Ushbu kitob, Oʻzbekiston aloqa va axborotlashtirish agentligi Toshkent axborot texnologiyalari universiteti fizika kafedrasi tomonidan tayyorlangan boʻlib, fizika fanining tebranishlar, toʻlqinlar va optika boʻlimlariga oid masalalarni oʻz ichiga oladi. Qoʻllanma davlat taʼlim standarti asosida bakalavriat yoʻnalishida tayyorlanayotgan mutaxassislar uchun moʻljallangan. Unda har bir mavzu boʻyicha masalalar yechish namunalaridan tashqari, talabalar nazariy bilimlarini tekshirish uchun nazorat savollari hamda zaruriy adabiyotlar roʻyxati keltirilgan.

Asosiy mavzular

• Xususiy mexanik tebranishlar: Garmonik tebranishlar, tebranma harakat, fizik va matematik mayatniklar, tepkili tebranishlar, tebranish sistemasining energiyasi, garmonik tebranishlarda mexanik energiyaning aylanishi kabi tushunchalar va masalalarni oʻz ichiga oladi.
• Mexanik va elektromagnit tebranishlar: Soʻnuvchi tebranishlar, majburiy tebranishlar, rezonans, tebranish konturida energiya almashinuvi, mexanik va elektromagnit tebranishlar differensial tenglamalari, soʻnish koeffitsiyenti va ularning bogʻliqligi masalalari.
• Mexanik va elektromagnit toʻlqinlar: Toʻlqin turlari, toʻlqinni xarakterlovchi kattaliklar, Doppler effekti, tovush toʻlqinlari, elektromagnit toʻlqinlar, Umov-Poyting vektori kabi mavzular yoritilgan.
• Toʻlqin optikasi: Toʻlqinlar superpozitsiyasi, kogerent toʻlqinlar, interferensiya, yupqa plyonkalarda interferensiya, Nyuton halqalari, Yorugʻlik difraksiyasi, Frenel zonalari metodi, Fraungofer difraksiyasi, qutblanish, Bryuster qonuni, Mallyus qonuni kabi optik hodisalar va qonuniyatlar.