Izboskanlik qatag‘on qurbonlarining taqdiri

Bitiruv malakaviy ish Oʻzbekistonda sovet davrida amalga oshirilgan kollektivlashtirish, quloqlashtirish va siyosiy qatagʻonlar, xususan "Katta terror" davri qurbonlari hayoti va taqdiriga bagʻishlangan. Unda Izboskan tumanida sodir etilgan voqealar xususida maʼlumotlar keltirilgan.

Asosiy mavzular

Izboskan tumanida kollektivlashtirish, quloqqa tortish va uning oqibatlari: Tumanda kollektivlashtirish siyosatining amalga oshirilishi, dehqonlarning kolxozlarga majburiy birlashtirilishi, "quloq" deb topilgan mulkdorlarni taqdiri, boylarning mol-mulklarini musodara qilish va oqibatda qishloq xoʻjaligining ahvoli yomonlashuvi.
"Katta terror" qurbonlarining hayot yoʻli va taqdiri: 1937-1938 yillardagi qatagʻon qurbonlarining aksariyati "xalq dushmani" tamgʻasi bilan nohaq ayblanib, hibsga olingan va otuvga hukm qilingan. Bu mavzuda oʻsha davrda amalga oshirilgan qatagʻon siyosatining mohiyati va qurbonlar taqdiri ochib berilgan.
Qatagʻon qurbonlarining hozirgi avlodlari: Qatagʻon qurbonlarining avlodlari sovet davrida oʻz ota-bobolarining nohaq qatagʻon qilinganini yashirishga majbur boʻlgan. Mustaqillik yillarida ularning nomlari oqlandi va xotiralari tiklandi.