Бюджетдан ташқари фойдалар

Ushbu kitob O'zbekiston Respublikasida byudjetdan tashqari fondlarning mohiyati, ahamiyati va faoliyatini o'rganishga bag'ishlangan. Kitobda byudjetdan tashqari fondlarning nazariy asoslari, tashkil etilishi, moliyalashtirilishi va ulardan foydalanish yo'llari ko'rib chiqiladi. Shuningdek, O'zbekiston Respublikasida byudjetdan tashqari fondlarning roli, ahamiyati va istiqbollari tahlil qilinadi. Kitob oliy o'quv yurtlari talabalari, o'qituvchilari, tadqiqotchilar va bu soha bilan qiziquvchilar uchun mo'ljallangan.

Asosiy mavzular

Byudjetdan tashqari fondlarning mohiyati, mazmuni va turlari: Ushbu mavzuda byudjetdan tashqari fondlarning iqtisodiy mohiyati, funksiyalari, bozor iqtisodiyoti sharoitida tashkil etilishining shart-sharoitlari va xususiyatlari, shuningdek, davlat maqsadli jamg'armalarining davlat jamlanma byudjetidagi o'rni ko'rib chiqiladi.
Byudjetdan tashqari Pensiya fondi: Ushbu mavzuda byudjetdan tashqari Pensiya fondining mohiyati va mazmuni, bozor iqtisodiyoti sharoitida asosiy vazifalari, Pensiya fondining daromadlari, ularning tarkibi, shakllanish mexanizmi, xarajatlari va ularning tarkibi, shuningdek, mazkur fondni shakllantirish va foydalanish muammolari hamda ularni bartaraf etish yo'llari o'rganiladi.
O'zbekiston Respublikasining Yo'l fondi: Ushbu mavzu O'zbekiston Respublikasi Yo'l fondining mazmuni, ahamiyati va tashkil etish maqsadi, umumjamiyat ahamiyatiga molik bo'lgan tadbirlarni amalga oshirishda yo'l fondining shakllanish manbalari, yo'l fondidan foydalanish yo'llari, shuningdek, yo'l fondining faoliyatini takomillashtirish yo'llari haqida ma'lumot beradi.
O'zbekiston Respublikasining ish bilan ta'minlashga ko'maklashuvchi jamg'armasi: Ushbu mavzuda O'zbekiston Respublikasi ish bilan ta'minlashga ko'maklashuvchi jamg'armasining mohiyati va ahamiyati, mazkur jamg'armani tashkil etilishiga ta'sir etgan ob'ektiv omillar, mazkur jamg'armani tashkil etishning asosiy maqsadi, shuningdek, fondni moliyaviy resurslarining shakllanish manbalari ko'rib chiqiladi.
"`Maktab ta'limi` jamg'armasi: Ushbu mavzuda O'zbekiston Respublikasining "Ta'lim to'g'risida"gi Qonuni, 2004-2009 yillarga mo'ljallangan "Maktab ta'limini rivojlantirish Davlat umummilliy dasturi"ning ahamiyati, "Maktab ta'limi" jamg'armasi moliyaviy resurslarining shakllanish yo'llari va xarajatlar yo'nalishlari haqida ma'lumotlar beriladi.
Davlat mulk qo'mitasining maxsus hisobraqami: Ushbu mavzuda Davlat mulk qo'mitasining maxsus hisobraqami tashkil etilishi sabablari, Davlat mulk qo'mitasining maxsus hisob raqami daromad manbalari, Davlat mulk qo'mitasining maxsus hisobraqami mablag'lari hisobiga moliyalashtiruvchi tadbirlar, shuningdek, iqtisodiyotni erkinlashtirish sharoitida Davlat mulk qo'mitasining maxsus hisob raqami mablag'laridan foydalanish xususiyatlari haqida ma'lumot beriladi.
Xorijiy mamlakatlarda nobyudjet fondlarining shakllanishi va ulardan foydalanish yo'llari: Ushbu mavzuda xorijiy mamlakatlarda byudjetdan tashqari fondlar shakllanishining o'ziga xos xususiyatlari, byudjetdan tashqari fondlarning turlari, byudjetdan tashqari fondlarning shakllanish mexanizmlari, byudjetdan tashqari fondlardan foydalanish yo'llari, shuningdek, xorijiy mamlakatlardagi maqsadli fondlarning davlat byudjeti va mahalliy byudjetlar bilan aloqalari haqida ma'lumotlar beriladi.
Aholini ijtimoiy muhofaza qilish fondlari: Ushbu mavzuda Xalqaro "Ekosan", "Orol", "Orol genofondini saqlash" fondlari, mamlakatda mavjud ekologik muammolarni hal qilishda va Orol bo'yi aholisini tibbiy, ijtimoiy muhofaza qilishda ekologik maqsadlardagi fondlarning ahamiyati, shuningdek, "Sog'lom avlod uchun", "Navro'z", "Amir Temur", "Ulug'bek", "Bolalar" fondlarining moliyaviy mablag'larining shakllanish manbalari, ulardan foydalanish yo'llarini kengaytirish haqida ma'lumotlar beriladi.