La biographie et les oeuvres d’Antoine de Saint - Exupery

Bitiruv malakaviy ishi (BMI) Antoine de Sent-Ekzyuperining hayoti va ijodiga, xususan uning mashhur "Kichkina shahzoda" asariga bagʻishlangan. BMI asarning tarjimai holi bilan bogʻliqligi va asarning insonparvarlik mohiyati ochib berilgan. Ish "Kichkina shahzoda"ning qisqacha mazmuni bilan boshlanib, keyin asarning gʻoyalari va ramziyligi tahlil qilinadi. Kichik asarda doʻstlik, muhabbat, mas'uliyat va hayot maʼnisi kabi falsafiy masalalar koʻtarilgan. Shu bilan bir qatorda, asar tahlili asosida Kichkina shahzodaning Yer sayyorasidagi odamlar bilan uchrashuvining mazmuni va ahamiyati keltirib o'tilgan.

Asosiy mavzular

Muhabbat va Do'stlik: Asarda doʻstlik va muhabbat inson hayotidagi eng muhim qadriyatlar ekanligi, ular sadoqat, gʻamxoʻrlik va oʻzaro tushunishga asoslanishi taʼkidlanadi. Kichkina shahzoda va Tulki oʻrtasidagi doʻstlik asarning eng taʼsirli lavhalaridan biri hisoblanadi.
Mas'uliyat: Asarda har bir inson oʻzi uchun va atrofidagi dunyo uchun mas'ul ekanligi, oʻz harakatlarining oqibatlarini tushunishi va ularni tuzatishga tayyor boʻlishi zarurligi haqida fikr beriladi. Kichkina shahzodaning oʻz guliga boʻlgan mas'uliyati uning sayohatlarida asosiy motivlardan biri boʻladi.
Hayot ma'nosi: Asarda har bir inson hayotning maʼnosini oʻzi topishi kerakligi, bu yoʻlda u oʻz qalbini tinglashi va haqiqiy qadriyatlarga intilishi zarurligi keltirilgan. Kichkina shahzoda Yerda oʻtkazgan vaqt davomida koʻplab savollarga javob topishga harakat qiladi, biroq hayotning asl maʼnosi oddiy va samimiy narsalarda ekanligini anglaydi.