To`qimachilik sanoati maxsulotlari texnologiyasi

Ushbu kitob to'qimachilik sanoati texnologiyasi oliygoh talabalari uchun mo'ljallangan uslubiy qo'llanma bo'lib, unda paxta yigiruv fabrikalarida ishlatiladigan mashinalarning texnologik jarayonlari, kinematik sxemalari va ularni hisoblash usullari batafsil yoritilgan. Qo'llanmada pilta qo'shish, qayta tarash va piltalash mashinalarining tuzilishi, ishlash prinsiplari va texnologik parametrlarini o'rganish bo'yicha tajriba ishlari keltirilgan. Shuningdek, kitobda mashinalarning unumdorligini hisoblash, nosozliklarni aniqlash va texnika xavfsizligi qoidalari ham o'rin olgan.

Asosiy mavzular

Pilta qo'shish mashinasining texnologik va kinematik sxemasi: Pilta qo'shish mashinalarining tuzilishi, ishlash prinsiplari va kinematik sxemalari. Mashinaning ish unumdorligini hisoblash, xolstcha og'irligini aniqlash va xolstcha ishlab bo'lguncha ketgan vaqtni hisoblash usullari ko'rsatilgan.
Qayta tarash mashinalarida texnologik jarayonlar tahlili: Qayta tarash mashinalarining vazifasi, tuzilishi va ishlash prinsiplari. Mashinaning ishchi qismlarining harakati, ta'minlovchi mexanizm, taroqli baraban va tola ajratuvchi mexanizmlar o'rganiladi. Normal holatdagi va ustki taroqsiz qayta taralgan taram foizini aniqlash usullari keltirilgan.
Piltalash mashinasi texnologik sxemasining taxlili: Piltalash mashinalarining texnologik sxemalari, ishlash jarayonlari va asosiy qismlari o'rganiladi. Turli rusumdagi piltalash mashinalarining ishchi qismlari tezligini o'lchash, cho'zish asboblari sxemasi va ular orasidagi oraliqlarni aniqlash usullari bayon etilgan.
Piltalash mashinasida texnologik hisob: Piltalash mashinasining kinematik sxemasi asosida almashtiruvchi shesternyalar va uzatmalarni o'rganish. Mashinaning ishchi qismlari aylanma tezligi, cho'zilishlar, mashina ish unumdorligi va bitta tos to'lguncha ketgan vaqtni hisoblash usullari keltirilgan.