Педагогик амалиёт.

Ushbu o'quv-uslubiy qo'llanmada pedagogik amaliyotni o'tash davrida talabalarning nazariy bilimlarini amaliyotda qo'llash, dars o'tish, darsni kuzatish, dars rejasini tuzish, dars tahlili, kundalikni to'ldirish va amaliyot bo'yicha hisobot yozish yuzasidan ma'lumotlar berilgan. Qo'llanma kasbiy ta'lim yo'nalishi talabalari uchun mo'ljallangan.

Asosiy mavzular

Pedagogik amaliyotning umumiy qoidalari: O'zbekiston Respublikasining "Ta'lim to'g'risida"gi qonuni va "Kadrlar tayyorlash milliy dasturi" talablari asosida ishlab chiqilgan. Unda oliy ta'lim muassasalari talabalarining ishlab chiqarish amaliyotini o'tkazish shakllari, tartibi va uslublari belgilangan.
Ishlab chiqarish amaliyotini tashkil etish: Ishlab chiqarish amaliyoti natijasida talabalar qishloq xo'jalik fanlaridan, qishloq xo'jalik mashinalaridan, pedagogika, psixologiya, ixtisoslik fanlarini o'qitish metodikasidan, axborot texnologiyasi va o'qitishning ilg'or pedagogik texnologiyalari kabi fanlardan olgan nazariy bilimlarini amaliyot bilan bog'lab, ma'lum ko'nikma va malakalar hosil qiladilar.
Dars va uning turlari: Darsning turlari, tuzilishi va ularni tashkil etish masalalari ko'rib chiqiladi. Yangi bilimlarni o'rganish darsi, aralash dars, bilimlarni mustahkamlash darsi, sinash-tekshirish darsi va muammoli dars kabi dars turlari haqida ma'lumot beriladi.
Darsni pedagogik-psixologik tahlil qilish: Darsga umumiy baho berish, darsni tashkil etish, darsning mazmuni, darsda o'quvchilarning munosabati, o'qituvchining odob-axloqi, xulosa qilish va taklif berish tartiblari ko'rsatilgan.
O'quvchilar shaxsini o'rganish: O'quvchilar shaxsini o'rganish va psixologik-pedagogik tavsifnoma tuzishning namunaviy tartibi bayon etilgan.