“SHARQ” NMAK sharoitida ofset bosma usuli uchun buyoq-qog‘oz tizimini takomillashtirish.
Ushbu kitobda O'zbekistonda bosma mahsulotlar sifatini yaxshilash masalalari ko'rib chiqiladi. Kitobning asosiy maqsadi "Sharq" NMAK sharoitida ofset bosma usuli uchun bo'yoq-qog'oz tizimini takomillashtirishdir. Kitobda qog'oz va bo'yoq xossalariga ta'sir etuvchi omillar, bosish jarayonining texnologik aspektlari, shuningdek, turli xil bosmaxona materiallarining afzalliklari va kamchiliklari tahlil qilinadi. Tadqiqotlar natijasida bosma mahsulotlar sifatini ta'minlash va bo'yoq-qog'oz tizimi asoslarini yaxshilash bo'yicha tavsiyalar ishlab chiqilgan.
Asosiy mavzular
- Adabiyotlar tahlili: Bosma mahsulotlari tayyorlashdagi texnologik bosqichlar, ofset chop etish jarayonining standartlashtirish obyektlari, rangni aniq aks ettirishga ta'sir etuvchi omillar va qog'oz turlarining xususiyatlari haqida ma'lumot beriladi.
- Tadqiqot metodikasi: Tadqiqot obyekti sifatida O'zbekistonda ishlab chiqariluvchi Goznak fabrikasi va Namangan qog'oz fabrikasi hamda Xitoyda ishlab chiqarilgan qog'ozlardan 3 ta namunaning tarkibi va xossalarining tahlili keltirilgan. Qog'ozning o'lchamli-tuzilmaviy ko'rsatkichlari, sorbsion xossalari va mexanik xossalari standart usullar asosida o'rganiladi.
- Tadqiqot natijalari: Bo'yoqlarning reologik xossalarini solishtirish, qog'ozning yuzasini hisobga olgan holda bo'yoq oquvchanligi metodikasini ishlab chiqish, varaqlik ofset bosish jarayoniga muvofiq ravishda «qog'oz-bo'yoq» tizimini tanlash boʻyicha tavsiyalarni ishlab chiqish, chop etishning bir xilligiga qog'oz va boʻyoq xossalarining ta'siri, rangning aniq uzatilishiga qog'oz va boʻyoq xossalarining ta'sirini baholash, varaqlik ofset mashinada bosishda «qog'oz-bo'yoq» tizimini tanlashning maqbulligi ko'rib chiqiladi.