Bug‘ qozoni bug‘ о‘ta qizdirgichining parametrlarini aniqlash hamda issiqlik hisobini bajarish

Ushbu kitob issiqlik energetikasi va issiqlik texnikasiga oid bo'lib, issiqlik elektr stansiyalarida (IES) qo'llaniladigan bug' qozonlarining tuzilishi, ishlash prinsipi, tasnifi, hisoblash usullari va ularni loyihalash masalalarini o'z ichiga oladi. Kitobda qozon qurilmalarining asosiy elementlari, issiqlik almashinuv jarayonlari, yoqilg'i turlari va ularning yonishi, suv tayyorlash usullari va boshqa muhim texnik masalalar batafsil yoritilgan. Bitiruv malakaviy ishlariga mo'ljallangan bo'lib, talabalarga amaliy ko'nikmalarni shakllantirishda yordam beradi.

Asosiy mavzular

Qozon qurilmasining tuzilishi va ishlash tartibi: Qozon qurilmasining asosiy elementlari, vazifalari va ishlash prinsiplari batafsil tahlil qilinadi. Qozon agregatining asosiy tavsiflari, jumladan, bug' unumdorligi, bosimi va F.I.K. ko'rsatkichlari keltirilgan. Qozonlarning turlari (suv quvurli, gaz quvurli va h.k.) va ularning afzalliklari hamda kamchiliklari ko'rib chiqiladi.
Bugʻ qozonlarining tasnifi: Bug' qozonlari texnologik chizmalariga ko'ra, ularning asosiy xususiyatlari, bug'lanish usullari (tabiiy, majburiy, to'g'ri oqimli) va qo'llanilish sohalari bo'yicha tasniflanadi. Barabanli qozonlarda pog'onali bug'lantirish usullari, issiqlik elektr stansiyalarida oʻta qizigan bugʻ haroratini rostlash texnologiyalari yoritilgan.
Bugʻ qozoni bugʻ oʻta qizdirgichining parametrlarini aniqlash hamda issiqlik hisobini bajarish: Qozon agregatining issiqlik balansi tenglamasi, uning asosiy elementlari va ularning o'zaro bog'liqligi tahlil qilinadi. Issiqlik uzatish sirtlari (oʻtxona ekranlari, bugʻ oʻta qizdirgichlar, ekonomayzerlar va havo isitgichlar) ning issiqlikni oʻziga olishi va issiqlik hisobi masalalari ko'rib chiqiladi.