Urug‘chilik jamiyati

Ushbu kitob 6-sinf "Tarix" darsligi boʻyicha "Urugʻchilik jamiyati" mavzusini oʻrganishga bagʻishlangan. Unda urugʻchilik jamiyatining kelib chiqishi, rivojlanishi, iqtisodiyoti, ijtimoiy tuzumi va madaniyati haqida ma'lumotlar berilgan. Kitobda paleolit, mezolit va neolit davrlaridagi asosiy oʻzgarishlar, insoniyatning ilk mashgʻulotlari, turmush tarzi va madaniy yutuqlari batafsil yoritilgan.

Asosiy mavzular

So'nggi paleolit davri (miloddan avvalgi 40-12 mingyilliklar): Bu davrda toshga ishlov berish texnikasi takomillashdi, yangi mehnat qurollari paydo boʻldi. Kromanyon odami yashay boshladi. Odamlar ancha takomillashgan kesuvchi, arralovchi va parmalovchi mehnat qurollari yasaydigan boʻlishgan. Urug' jamoalari shakllana boshladi.
Mezolit davri (miloddan avvalgi XII-VII mingyilliklar): Muzlik davri tugadi, iqlim iliqlashdi. Insonlar oʻq-yoy yasashni oʻrgandi. Itni qoʻlga oʻrgatishdi. Ibtidoiy ziroatchilik va chorvachilik vujudga keldi.
Neolit davri (miloddan avvalgi VI-IV mingyilliklar): Oʻzlashtiruvchi xoʻjalikdan ishlab chiqaruvchi xoʻjalikka oʻtildi (ziroatchilik va chorvachilik). Sopol idishlar yasash kashf etildi. Mikrolitlar yasash, toshni silliqlash va arralash usullari qoʻllanildi. Oʻtroq turmush tarziga oʻtildi.