Madaniyatshunoslik

Ushbu majmua O‘zbekiston Respublikasi oliy ta’lim muassasalari talabalari uchun “Madaniyatshunoslik” fanidan ma’ruzalar matnini o‘z ichiga oladi. Ma’ruzalar matni talabalarga fanning predmeti, vazifalari, asosiy nazariyalari va O‘zbekiston madaniyatining asosiy rivojlanish bosqichlari haqida bilim beradi.

Asosiy mavzular

Madaniyatshunoslik fanining predmeti va vazifalari. Madaniy taraqqiyotning asosiy qonuniyatlari.: Ushbu mavzu madaniyatshunoslik kursining maqsadi va vazifasi, «Madaniyat» tushunchasi va uning mohiyati, Madaniy taraqqiyotning asosiy qonuniyatlari, dunyo madaniyatshunosligida nazariy muammolarning echimi, madaniy va ma'naviy meros masalalarini qamrab oladi.
Jahon madaniyati bosqichlari: Ushbu mavzu ibtidoiy madaniyatda olam haqidagi bilimlarning marosimlarda aks etishi, ibtidoiy san'at rivoji, an'anaviy madaniyat, qadimgi Sharq madaniyati, antik madaniyatning jahon madaniyatidagi o'rni, qadim Lotin madaniyati masalalarini yoritadi.
Madaniyatshunoslik va diniy madaniyat. Texnogen madaniyat: uning mohiyati.: Ushbu mavzu o'rta asrlardagi «Dunyo qiyofasi», Yevropa va Sharq madaniyatining xristian va islom dini aqidalarida namoyon bo'lishi, islomiy madaniyatning shakllanishi va uning asosiy yo'nalishlari, Uyg'onish davri Yevropa madaniyatining shakllanishi, Gumanizm, san'at rivoji masalalarini qamrab olgan.
Markaziy Osiyo xalqlarining qadimgi davr va ilk o'rta asrlar (V-VIII asrlar) madaniyati.: Mazkur mavzu Markaziy Osiyoda ibtidoiy davr madaniyati, Ellin madaniyatining Sharqqa kirib kelishi, Kushonlar davrida Baqtriya madaniyati va qadimgi Xorazm madaniyatini tadqiq etadi.
Amir Temur va temuriylar davri madaniyati (XIV asrning ikkinchi yarmi XV asr): Mazkur mavzu XIV asrning 2 chi yarmi –XV asrda madaniyatning rivojlanishidagi shart-sharoitlar, Amir Temur madaniyat xomiysi, Ilm-fan va adabiyot ravnaqi, Me'morchilik, tasviriy san'at va amaliy san'at hamda Temuriylar davrida diniy munosabatlarning rivojlanishini o'rganadi.
Xonliklar va Rossiya istilosi davrida, hamda mustabid sho’rolar davlati davrida O'zbekiston madaniyati: Mazkur mavzu XVI-XIX asrning birinchi yarmida Markaziy Osiyoning ijtimoiy-madaniy holati, Madaniy madaniyat va diniy mutaassiblik, Dunyoviy bilimlarning qadrsizlanishi, ilmiy dunyoqarashning cheklanganligi, Rossiya mustamlakachiligining milliy madaniyatga ta'siri, Ma'rifatparvarlik harakati, Jadidchilik va ijtimoiy madaniy ko'tarilish, milliy madaniy merosga sho'rolar tuzumi ma'muriy siyosatini o'z ichiga oladi.
MUSTAQILLIK VA MADANIY TARAQQIYOT: Ushbu mavzu Milliy istiqlol va ma'naviyat, Milliy uyg'onish va milliy ong, Madaniy muassasalar faoliyatining yangicha tashkil etilishi va milliy madaniy vorislik muammolari, Madaniyat sohasidagi islohotlar va unda davlatning tutgan o'rni va vazifalari, Hozirgi sharoitda adabiyot, tasviriy san'at, me'morchilik, teatr, kino va televidenie rivojlanishidagi o'ziga xoslik, O'zbekistonda ta'lim va fanning rivojlanishi va ularning mamlakat madaniyatini rivojlantirishdagi ahamiyat, Milliy madaniyat ravnaqida milliy-madaniy markazlar, Respublika «Baynalmilal milliy markazi», uning milliy madaniyatlarni rivojlantirishdagi o'rni va ahamiyati hamda Xalqaro madaniy aloqalarning o'rni va ahamiyatiga bag'ishlangan.