7-sinf mehnat ta’limi “Texnologiya va dizayn” yo’nalishida shtangensirkul, nutromer, shablonlar, mikrometrning tuzilishi va o’lchash usullari mavzularini o’rgatish bo’yicha uslubiy ko’rsatma

Mazkur bitiruv malakaviy ishi 7-sinf o‘quvchilariga mo‘ljallangan bo‘lib, mehnat ta’limi darslarida “Texnologiya va dizayn” yo‘nalishida shtangensirkul, nutromer, shablonlar va mikrometr kabi o‘lchov asboblarining tuzilishi, ulardan foydalanish usullari, hamda o‘lchash texnikasiga oid bilim berishga qaratilgan. Ishda o‘qitishning ilg‘or pedagogik usullaridan foydalanish, amaliy mashg‘ulotlarni tashkil etish, o‘quvchilarning bilim, ko‘nikma va malakalarini oshirish yo‘llari ko‘rsatilgan. Shuningdek, o‘quv jarayonini faollashtirish va o‘quvchilarda kasbga yo‘naltirilganlikni shakllantirish masalalari ham yoritilgan.

Asosiy mavzular

O'lchashlardagi asosiy qoida va tushunchalar: O'lchash texnikasi, o'lchovshunoslik fanining mohiyati, o'lchash birliklari, fizik kattaliklarni o'lchash usullari, o'lchash aniqligini belgilash, o'lchov birligi va vositalarining bir xilligini ta'minlash asoslari, etalonlar va o'lchashning namunaviy vositalari haqida ma'lumotlar beriladi.
O'quvchilarga o'lchovshunoslikka oid ma'lumotlarni o'rgatish: Amaliy mashg'ulotlarda o'lchash ishlarni tashkil etish, tehnikaviy havfsizlik qoidalari, o'quvchilarning tayyorgarlik darajasini aniqlash, ko'rgazmali qurollardan foydalanish, asbob-uskunalarni ishlatish tartibi, o'lchash natijalarini yozish, hisobot tayyorlash kabi masalalar ko'rib chiqiladi.
Amaliy mashg'ulot mavzulari: Shtangensirkul va shtangenreysmass yordamida chiziqli o'lchamlarni o'lchash, reja tortish usullari, aylanalarni teng qismlarga bo'lish, mikrometrik asboblar yordamida buyumlarni o'lchash, yassi-parallel uch o'lchovlar bilan ishlash.
Tajriba-sinov ishlarini tashkil etish va o'tkazish: Darslarda ilg'or pedagogik texnologiyalarni qo'llash samaradorligini aniqlash maqsadida tajriba-sinov ishlari tashkil etiladi. Tajriba va nazorat sinflarida olingan natijalar qiyoslanadi, o'quvchilarning bilim, ko'nikma va malakalarini oshirish yo'llari aniqlanadi.