Умумий педагогика

Ushbu kitob pedagogika fanining asosiy tushunchalari, qonuniyatlari, tamoyillari va metodlariga bag'ishlangan. Unda pedagogikaning predmeti, vazifalari, rivojlanish tarixi, shuningdek, O'zbekistonda ta'lim tizimining taraqqiyoti, uzluksiz ta'lim, tarbiyaning asosiy yo'nalishlari, maktabni boshqarish va unga rahbarlik qilish masalalari yoritilgan. Kitobda keltirilgan nazariy ma'lumotlar amaliy mashg'ulotlar, mustaqil ish topshiriqlari, nazorat savollari va testlar bilan mustahkamlanadi.

Asosiy mavzular

• Pedagogika fanining predmeti va asosiy tushunchalari: Pedagogika fanining predmeti, maqsadi va vazifalari, fan sifatida shakllanishi, asosiy tushunchalari, metodologik asoslari, tizimi va boshqa fanlar bilan aloqasi, ilmiy-tadqiqot metodlari, shuningdek, bu fanning tarmoqlari, vazifalari va jamiyatdagi roli bayon etilgan.
• O'zbekistonda ta'lim tizimining taraqqiyoti: Ushbu mavzuda O'zbekiston Respublikasida ta'lim tizimini isloh qilish, yangi qonunlar, kadrlar tayyorlash milliy dasturi va uzluksiz ta'limning rivojlanishi, ta'lim turlari, boshqarish tamoyillari va o'qituvchining jamiyatdagi roli yoritilgan.
• Tarbiyaning mohiyati, qonuniyatlari va metodlari: Tarbiya jarayoni va uning maqsadi, vazifalari, asosiy xususiyatlari, kasbiy tarbiya, tarbiya qonuniyatlari va tamoyillari, metodlari hamda o'z-o'zini tarbiyalash, usullari, vositalari va shakllari batafsil tahlil qilinadi.
• Tarbiyaning asosiy yo'nalishlari: Ushbu mavzuda aqliy, axloqiy, mehnat, iqtisodiy, ekologik, nafosat va jismoniy tarbiya kabi tarbiyaning asosiy yo'nalishlari, ularning maqsadi, vazifalari va amalga oshirish usullari ko'rsatib berilgan.
• Bo'lajak o'qituvchining kasbiy tarbiyasi: Bo'lajak o'qituvchining kasbiy tarbiyasi, tarbiyachi va sinf rahbariga qo'yiladigan talablar, maktabda tarbiyaviy ishlarni rejalashtirish va o'tkazish tartibi, o'quvchilar jamoasini shakllantirishdagi sinf rahbarining roli, o'quvchilar jamoasining tarbiya jarayonidagi o'rni, o'quvchilar jamoasini rivojlantirish bosqichlari.
• Didaktika haqida tushuncha: Didaktika fanining asosiy tushunchalari, tamoyillari, qonuniyatlari va vazifalari haqida ma'lumotlar beriladi.
• Maktabda ta'limning mazmuni va metodlari: Maktabda ta'limning mazmuni, ta'lim mazmunini aks ettiruvchi davlat hujjatlari, ta'lim metodlari va ularning tasnifi, ta'lim metodlaridan samarali foydalanish yo'llari.
• Ta'limni tashkil etish shakllari: Ta'limni tashkil etish shakllari haqida tushuncha, dars va unga qo'yiladigan talablar, dars turlari va tarkibiy qismlari, ta'limni tashkil etishning qo'shimcha shakllari.
• O'quvchilar bilimini tekshirish, nazorat qilish va baholash: O'quvchilar bilimini tekshirish, nazorat qilish va baholashning ahamiyati, maktabda baho me'yorlari va reyting tizimining mohiyati.
• Maktabni boshqarish va unga rahbarlik qilish: Maktabni boshqarish haqida tushuncha, ta'lim tizimini boshqarishda vakolatli davlat organlarining huquqlari, maktabni boshqarish tizimi.