“MARZOLI” so`nggi yutuqlarini joriy etish asosida turli iplarni ishlab chiqarish imkoniyatlari

Ushbu kitob to'qimachilik sanoati korxonasini tashkil etish, ishlab chiqarish jarayonini modernizatsiya qilish va samaradorlikni oshirish masalalariga bag'ishlangan. Unda paxta tolasini qayta ishlash texnologiyasi, yigirish usullari, zarur jihozlar va ularning texnik xususiyatlari, korxonani tashkiliy-iqtisodiy jihatlari batafsil yoritilgan.

Asosiy mavzular

• Yigirish tizimi va usulini asoslash: Tabiiy va kimyoviy tolalardan ip yigirishning asosiy tizimlari (oddiy, qayta tarash va apparat) va ularning farqlari ko'rib chiqiladi. Qayta tarash tizimi va halqali yigirish usulini tanlash asoslari keltirilgan.
• Jihozlar va ulardan foydalanish: "Marzoli" firmasining to'qimachilik sanoati uchun jihozlari va ularning texnik xususiyatlari, paxta tolasini qayta ishlashdagi muammolar va yechimlar, qayta tarash tizimida yigirilgan iplardan tayyorlangan matolarning tavsifi berilgan.
• Yigirish rejasini tuzish: Yigirish rejasini tanlash, mahsulotning chiziqli zichligi va cho'zishni asoslash, yarim tayyor mahsulotlarni pishitish darajasini hisoblash, mashinalarni chiqaruvchi a'zolarini tezliklarini qabul qilish va asoslash, mashinalarning nazariy ish unumdorligini aniqlash kabi masalalar yoritilgan.
• Korxonaning tashkiliy-iqtisodiy ko'rsatkichlari hisobi: Ishlab chiqarish dasturi, xom ashyo balansi, tugallanmagan ishlab chiqarish, yoritish uchun sarflanadigan elektr energiya hisobi, texnologik ko'rsatkichlar kabi masalalar ko'rib chiqilgan.
• Yong'inga qarshi kurash choralari: Korxonalarda yong'in xavfsizligi, yong'inni o'chirishda qo'llaniladigan moddalar, sprenkler va drencherli qurilmalar haqida ma'lumotlar berilgan.