Ma'lumotlarni intеrnеtda chop etish asoslari

Ushbu kitob veb-sahifalarni yaratish, ularni Internetda chop etish, veb-sahifani ko'rkamlashtirish, qiziqarli va o'ziga tortuvchi qilib yaratish, vaqti kelsa ma'lumotlarni yangilash kabi vazifalarni o'rgatishga mo'ljallangan. Undan tashqari, kitobda HTML, CSS, JavaScript kabi veb-texnologiyalar, jumladan, veb-sahifalarni yaratish, matnlarni formatlash, grafiklar bilan ishlash, jadvallar tuzish, veb-sahifa stillari, ro'yxatlar, formalar, menyular yaratish kabi mavzular chuqur yoritilgan. Kitobda har bir mavzu misollar bilan tushuntirilgan va natijalari ko'rsatilgan.

Asosiy mavzular

KIRISH: Internetning paydo bo'lishi tarixi, ARPANet, TCP/IP protokoli, WWW (World Wide Web) ning ishlash prinsipi, HTTP va HTML tillari, URL va uning tarkibiy qismlari hamda qo'llaniladigan protokollar haqida ma'lumot beriladi.
WEB SAHIFA YARATISH UCHUN NIMALAR KERAK? BIRINCHI WEB SAHIFA.: Matn muharrirlari (Notepad, TextPad, UltraEdit va boshqalar) va HTML muharrirlari (FrontPage, Adobe GoLive va boshqalar) bilan tanishtiriladi. Animatsiyalar yaratish, multimedia elementlari (GIF Animator, Macromedia Flash), fayllarni joylashtirish usullari va ularni nomlash qoidalari, HTML shablonini yaratish, sahifaning tanasi va abzatslar, <br /> tegidan foydalanish kabi mavzular yoritiladi.
MATNNI FORMATLASH. WEB-SAHIFALARDA GRAFIKA.: Sarlavhalar (h1-h6 teglar), gorizontal chiziqlar (<hr />), matn stilizatsiyasi, fizik va mantiqiy stillar elementlari, <pre>, <p>, <blockquote>, <address>, <ins>, <del> elementlari va ularning qo'llanilishi haqida batafsil ma'lumot beriladi.
SAYT STILLARI: ISHLAB CHIQISH, IMKONIYAT BERISH, GLOBALLASHTIRISH.: Sayt stillari, stillar jadvali va ularning ruxsati, globallashtirish hamda lang atributi va <q> elementi yordamida tillarni aniqlash mavzulari tushuntirilgan.
HTML FORMALARINI QO'SHISH. CGI VA MA'LUMOTLAR YIG'ISH.: HTML formalarining asoslari, formalar yaratish, matnli maydonlar va atributlar (<form>, <textarea>, <input>), boshqarish tugmalari (type="button", type="reset", type="submit") hamda menyular yaratish (<select>, <option>, <optgroup>, tabindex) kabi mavzular chuqur o'rganiladi.