Materiallar qarshiligi fanidan uslubiy ko‘rsatma

Ushbu uslubiy ko'rsatma materiallar qarshiligi va mexanika kafedrasi tomonidan tayyorlangan bo'lib, "Materiallar qarshiligi" fanidan statik vallarni buralishga hisoblash bo'yicha uslubiy qo'llanmadir. Unda talabalarga qurilishda ishlatiladigan materiallar mexanik xossalarini aniqlash, konstruktsiyalar turlari, tuzilishi, ularni muayan sharoitlarga mos ravishda tanlash, hisoblash usullari va bu jarayonda informatsion texnologiyalarni keng qo'llash hamda fanni o'qitishga mos bilim, ko'nikma va malakalar shakllantirish maqsad qilingan. Shuningdek, talabalarga turli xil kuchlanganlik xolatlarida materiallarning mexanik xossalarini aniqlash, ularni mustahkamlik, bikrlik va ustuvorlikka hisoblash, qurilish konstruktsiyalarini hisoblash usullari, ulardan ishlab chiqarishda va pedagogik faoliyatida foydalanish, ilmiy, ilmiy-pedagogik va ilmiy-texnikaviy taraqqiyot jarayonida uchraydigan turli masalalar va yangiliklarni mustaqil ravishda hal qilishga o'rgatish ko'zda tutilgan.

Asosiy mavzular

Kirish: Qurilish industriyasini rivojlanishi, muhandis-pedagoglardan talab etilayotgan zamonaviy bilim va ko'nikmalar, hamda uslubiy ko'rsatmaning maqsadi va vazifalari haqida umumiy ma'lumot beradi.
Buralish deformatsiyasi: Buralish deformatsiyasining mohiyati, valning buralishiga sabab bo'luvchi momentlar, vallarni hisoblashda quvvat va aylanish tezligidan foydalanish, tashqi burovchi momentlar va ularning valga ta'siri, shuningdek, buralish burchagi va nisbiy buralish burchagi tushunchalari va ularning hisoblash usullari bayon etilgan.
O'lchov birliklari: Xalqaro o'lchov birliklari va ular orasidagi bog'lanishlar, hamda keng tarqalgan birliklar (kgs, MPa, Pa) haqida ma'lumot beradi.