Matеmatik modеllashtirish
Ushbu kitob «Matematik modellashtirish» fanidan yaratilgan bo'lib, unda iqtisodiy va muhandislik masalalarini matematik modellashtirishning nazariy asoslari, usullari va amaliyotda qo'llanilishi, jumladan kompyuter dasturlari yordamida modellashtirishning turlari, usullari va vositalari haqida keng qamrovli ma'lumot berilgan. Kitobda modellashtirish jarayonining bosqichlari, turlari, matematik modellarni yaratish texnologiyalari va ularning tahlili, shuningdek iqtisodiyot va muhandislik sohasidagi turli masalalarni MathCAD dasturi yordamida yechish misollari bilan ko'rsatib berilgan.
Asosiy mavzular
- Modellashtirish nazariyasi va uning nazariy asoslari: Ushbu bobda modellashtirishning maqsad va vazifalari, tizimlarni tadqiq qilishda modellashtirishning o'rni va ahamiyati, model tushunchasi, modellashtirish bosqichlari, ob'ekt va jarayonlarda modellashtirish, modellashtirish ob'ektlari turlari, identifikatsiya masalasi va usullari, hamda nazariy asoslari yoritilgan.
- Modellashtirish masalalari va ularni yaratish texnologiyasi: Bu bobda modellashtirish jarayonining bosqichlari, modellar turlari (konsеptual, matеmatik, analitik, imitasion), modеllarni yaratishdagi dastlabki ma'lumotlarni tayyorlash, usullarini va vositalarini tanlash, modеlni sozlash va tajriba o'tkazish, modellashtirish natijalarini tahlil qilish va undan foydalanish, jumladan matematik modellar va tizimlar haqida ma'lumotlar berilgan.
- Hayotiy va amaliy masalalarning matematik modellari: Bobda muhandislik va iqtisodiy masalalarni modellashtirish usullari, masalalar yechishda matematik modellashtirishdan foydalanish, jumladan, eng sodda modellar, mexanik va iqtisodiy jarayonlarni modellashtirish, xususan, Maltus modeli, transport masalasi, ishlab chiqarishni optimallashtirish kabi mavzular MathCAD dasturi yordamida yechish misollari bilan tushuntirilgan.