Dori vositalarini modifikatsiyalash va yo’naltirish tizimlari
Mazkur o‘quv moduli magistratura talabalariga dori vositalarini modifikatsiyalash va yo‘naltirish tizimlari, ta’siri modifikatsiyalangan va yo‘naltirilgan dori vositalarini yaratishning nazariy va amaliy masalalariga oid bilimlarni berishga moʻljallangan. Unda dori vositalarini modifikatsiyalash va yo‘naltirish tizimlari haqida tushuncha beriladi, ularni yaratish usullari bo‘yicha ma’lumotlar beriladi. Shuningdek, ta’siri modifikatsiyalangan dori tizimlari, applikatsion dori vositalari, davolovchi dorivor tizimlar, sintetik va tabiiy matritsalar bilan bog‘langan dori vositalarining tuzilishi va ta’sir etish mexanizmlari, ta’siri yo‘naltirilgan tizimlar, lipidli vezikulalar asosidagi tashuvchi tizimlar, dori zarrachalari qobiqlangan vositalari, magnit zarrachalar asosida olingan dori vositalarini yaratilishi bo‘yicha nazariy bilimlar, parenteral va ingalyatsiyali dori tizimlari, gidrogellar va mikroemulsiyalarning tuzilishi va ta’sir etish mexanizmlari o‘rgatiladi. Zamonaviy pedagogik texnologiyalar dars jarayoniga tadbiq etiladi, bu esa talabalarning fikrlash va bilimini saqlash darajasini oshirishga yordam beradi.