Fius carica va Morus multicaulis o‘simliklari polisaxaridlarining tuzilishi, biologik faolliklari
Ushbu dissertatsiya avtoreferati Oʻzbekistonda oʻsuvchi Ficus carica va Morus multicaulis oʻsimliklarining polisaxaridlarini ajratib olish, ularning tarkibi, tuzilishi va biologik faolliklarini oʻrganishga bagʻishlangan. Tadqiqotda ushbu oʻsimliklardan suvda eruvchan polisaxaridlar, pektin moddalari va gemitsellulozalar ajratib olingan hamda ularning kimyoviy va spektral usullar yordamida tuzilishi aniqlangan. Shuningdek, polisaxaridlarning yalligʻlanishga qarshi va gipoglikemik taʼsiri tadqiq etilgan. Ficus carica polisaxaridining yalligʻlanishga qarshi, Morus multicaulis polisaxaridining esa qandli diabetga qarshi yuqori faolligi aniqlangan. Tadqiqotda Morus multicaulis pektini va atsetamizolning kompleksini tayyorlashning muqobil usuli ishlab chiqilgan va uning antigelmint faolligi aniqlangan.