Nofilologik yo‘nalish talabalariga ingliz tili fanini o‘qitishda ta’limni individuallashtirish texnologiyalarini takomillashtirish

Ushbu dissertatsiya O'zbekiston oliy ta'lim muassasalarida, xususan, nofilologik yo'nalish talabalariga ingliz tilini o'qitish jarayonida ta'limni individuallashtirish texnologiyalarini takomillashtirishga bag'ishlangan. Tadqiqotda zamonaviy pedagogik texnologiyalardan foydalanish, o'quv jarayonini talabalar individual xususiyatlarini hisobga olgan holda tashkil etishning ahamiyati, usullari va vositalari tahlil qilinadi. Tadqiqot natijasida talabalarining bilim darajasini oshirishga qaratilgan ilmiy-amaliy tavsiyalar ishlab chiqilgan va amaliyotga tatbiq etish bo'yicha takliflar berilgan.

Asosiy mavzular

Ingliz tilini o'qitishda ta'limni individuallashtirishning ilmiy-nazariy asoslari: Ushbu bobda oliy ta'limda ta'lim sifatini oshirish, chet tillarni o'qitishning zamonaviy usullari, pedagogik texnologiyalardan foydalanish, o'quv jarayonini individuallashtirishning nazariy-metodik masalalari ko'rib chiqiladi. Shuningdek, jahon tajribasi, jumladan, nofilologik yo'nalish talabalariga ingliz tilini o'qitishda ta'limni individuallashtirish texnologiyalarining rivojlanishiga ta'sir etuvchi omillar tahlil qilinadi.
Nofilologik yo'nalish talabalariga ingliz tilini o'qitishda ta'limni individuallashtirish texnologiyalarini takomillashtirishning pedagogik shart-sharoitlari: Ikkinchi bobda nofilologik yo'nalish talabalariga ingliz tilini o'qitishda ta'limni individuallashtirishning mazmuni, usullari, shakllari va uslubiy-pedagogik vositalari o'rganiladi. Auditoriyadan tashqari mashg'ulotlarda ta'limni individuallashtirishning innovatsion va interfaol metodlari bayon etiladi. Oliy ta'limda ingliz tilini o'qitish jarayonining o'ziga xos xususiyatlari, talabalarning kasbiy va shaxsiy tayyorgarligini hisobga olgan holda ta'limni individuallashtirishning ahamiyati ochib beriladi.
Tajriba-sinov ishlarini tashkil etish va natijalarini tahlil qilish: Uchinchi bobda tadqiqotning amaliy qismi, ya'ni tajriba-sinov ishlarini tashkil etish va natijalarini tahlil qilishga bag'ishlangan. Bunda talabalarning individual ta'lim texnologiyalari bo'yicha bilim darajasi o'rganilgan, tajriba-nazorat guruhlari shakllantirilgan va olingan natijalar matematik-statistik usullar yordamida tahlil qilingan. Tadqiqot natijalariga ko'ra, olingan xulosalar va tavsiyalar keltirilgan.