Akademik litsey oʻquvchilarining kognitiv kompetensiyalarini rivojlantirish metodikasini takomillashtirish
Ushbu dissertatsiya Oʻzbekistonning akademik litseylarida biologiya fanini oʻqitishda oʻquvchilarning kognitiv kompetensiyalarini rivojlantirish metodikasini takomillashtirishga bag'ishlangan. Tadqiqotda oʻquvchilarning bilish jarayonlarini faollashtirish, ijodiy fikrlash qobiliyatlarini oʻstirish hamda amaliy koʻnikmalarini rivojlantirishga qaratilgan ilmiy-amaliy tavsiyalar ishlab chiqilgan. Kitobda dunyo ta'lim tendensiyalariga mos ravishda ta'lim jarayoniga axborot texnologiyalarini joriy etish, ularning didaktik asoslarini oʻrganib, yangi usul va vositalarni ishlab chiqish metodikasi hamda metodologik asoslarni takomillashtirish masalalari koʻrib chiqilgan.
Asosiy mavzular
- Kognitiv kompetensiyalarni rivojlantirishning nazariy va amaliy jihatlari: Ushbu bobda kognitiv kompetensiya tushunchasi, uning mohiyati va ta'lim jarayonidagi ahamiyati, shuningdek, kognitiv faoliyatni rivojlantirishning nazariy va psixologik-pedagogik asoslari tahlil qilingan. Shuningdek, biologiya ta'limida kognitiv kompetensiyalarni shakllantirishning zamonaviy muammolari va modellari koʻrib chiqilgan.
- Biologiya ta'limida oʻquvchilarning kognitiv kompetensiyasini rivojlantirish metodikasi: Bu bobda biologiya oʻqitish metodikasi, ta'lim jarayonini takomillashtirish yoʻllari, pedagogik shart-sharoitlar, tamoyillar, metodlar, ta'lim shakllari, turlari, dasturiy vositalar hamda oʻquvchilarda kognitiv kompetensiyalarni rivojlantirishga qaratilgan texnologiyalar hamda innovatsion yondashuvlar tahlil qilingan.
- Pedagogik tajriba sinov ishlarini tashkil etish va uning natijalari: Ushbu bobda tadqiqotning maqsadi, vazifalari, tajriba-sinov ishlarini tashkil etish va natijalarini tahlil qilish jarayoni batafsil yoritilgan. Tajriba-sinov natijalarining ilmiy va amaliy ahamiyati hamda tavsiyalar keltirilgan.