Raqamlashtirish sharoitida talabalarning mediasavodxonligini rivojlantirishning dasturiy ta’minotini takomillashtirish

Ushbu dissertatsiya raqamlashtirish sharoitida talabalarning mediasavodxonligini rivojlantirishning dasturiy ta'minotini takomillashtirishga bag'ishlangan. Tadqiqotda mediasavodxonlik tushunchasi, uning rivojlanishining nazariy asoslari, zamonaviy axborot texnologiyalarining ta'lim jarayoniga tatbiqi va talabalarning mediasavodxonligini oshirishga qaratilgan dasturiy vositalar, metodlar va ularning samaradorligi tahlil qilingan. Tadqiqot davomida "Tarmoq texnologiyalari" fanidan elektron o'quv qo'llanma va veb-sayt ishlab chiqilib, tajriba-sinov ishlari o'tkazilgan. Natijalarga ko'ra, talabalarning mediasavodxonligi sezilarli darajada oshganligi matematik-statistik jihatdan isbotlangan. Shuningdek, tavsiyalar ishlab chiqilgan.

Asosiy mavzular

Kirish: Dissertatsiya mavzusining dolzarbligi va zarurati, jahonda va O'zbekistonda mediasavodxonlikni rivojlantirish borasidagi tadqiqotlar, ilmiy yangiligi, tadqiqotning maqsadi va vazifalari, obyekti, predmeti, usullari, amaliy ahamiyati va tadqiqot natijalarining joriy qilinishi haqida ma'lumot berilgan.
1-bob. Raqamlashtirish sharoitida talabalarning mediasavodxonligini rivojlantirishning nazariy asoslari: Bu bobda raqamli texnologiyalar va ularni ta'lim jarayoniga joriy etish metodologiyasi, mediasavodxonlikni rivojlantirishning nazariy jihatlari, raqamli ta'lim muhitida talabalarning mediasavodxonligini rivojlantirishning dasturiy vositalari va imkoniyatlari, mediasavodxonlik tushunchasi, uning tarkibiy qismlari va mazmun-mohiyati, shuningdek, axborot savodxonligi va kompyuter savodxonligi kabi tushunchalar tahlil qilingan.
2-bob. Raqamlashtirish sharoitida talabalarning mediasavodxonligini rivojlantirishning dasturiy ta'minotini metodikasi: Ikkinchi bobda talabalarning mediasavodxonligini rivojlantirishning dasturiy ta'minotini yaratish texnologiyalari va mazmuni, uni rivojlantirish modeli, tajriba-sinov ishlarini oʻtkazishda qoʻllanilgan metodlar, Jumladan, Media “ACTP” metodi va uning strukturasi, hamda aralash ta'lim metodlari (Flipped Learning, Rotation, Flex, Enriched Virtual) tahlil qilingan.
3-bob. Talabalarning mediasavodxonligini rivojlantirish boʻyicha pedagogik tajriba sinov ishlarini tashkil etish va oʻtkazish jarayoni tahlili: Uchinchi bobda pedagogik tajriba-sinov ishlarini tashkil etish, oʻtkazish va uning tahliliy natijalari keltirilgan. Tajriba-sinov ishlarining umumlashtirilgan natijalari va statistik taxlili asosida samaradorlik koʻrsatkichlari aniqlangan. Natijalarga koʻra, tajriba guruhlarida mediasavodxonlik darajasi nazorat guruhlariga nisbatan 14% ga yuqori ekanligi isbotlangan.
Xulosa: Xulosa qismida tadqiqotning asosiy natijalari va xulosalari umumlashtirilgan hamda tavsiyalar berilgan.
Tavsiyalar: Dissertatsiya natijalari asosida zamonaviy raqamli texnologiyalardan foydalanishni kengaytirish, android va IOS tizimida ishlaydigan dasturiy ta'minot yaratish hamda ta'lim tizimini joriy qilish bo'yicha tavsiyalar berilgan.